Скачать или смотреть ဂမ္ဘီရဆန်တဲ့ အရုပ်သင်္ချိုင်းဖြစ်ပေါ်လာပုံအကြောင်း - Ajarn Suan Ashram - Scary Sunday

ဘန်ကောက်မြို့ သုဝဏ္ဏဘူမိလေယာဉ်ကွင်းကနေ အရှေ့ဘက်ခြမ်းကို မောင်းပြီး မြို့ပြင်ဘက်ကို တစ်နာရီကျော်ကျော်လောက် ကားမောင်းလာခဲ့မယ်ဆိုရင် ချချွန်ဆောင်ခရိုင်ထဲကို ရောက်လာမှာ ဖြစ်ပါတယ်။ လမ်းညာဘက်မှာ ဆိုင်းဘုတ် သေးသေးလေးနဲ့ Wat Nong Ri ဆိုတာကို တွေ့ကောင်းတွေ့နိုင်ပါတယ်။ အဲ့လမ်းသွယ်သေးသေးလေးထဲကို ကွေ့ဝင်လိုက်ပြီး နောက် သုံးမိနစ်လောက် ကားထပ်မောင်းလိုက်မယ်ဆိုရင် ဝတ်ထလတ်တိုင်း ဆိုတဲ့ ဘုန်းကြီးကျောင်းဝင်းထဲကို ရောက်ပါပြီ။ ဒီဘုန်းကြီးကျောင်းဟာ တခေတ်တခါတုန်းက ထိုင်းနိုင်ငံမှာ တအားကို နာမည်ကျော်ကြား လူသိများခဲ့တဲ့ ဘုန်းကြီးကျောင်းဖြစ်ပါတယ်။ ဒီဘုန်းကြီးကျောင်းမှာ ကျောင်းထိုင်ဖြစ်ခဲ့တဲ့ ဘွဲ့နာမည်အပြည့်အစုံ Phra Ajarn Xuan Panyatharo လို့ခေါ်ပြီး လူအများက Ajarn Xuan ခေါ်ကြပါတယ်။ Ajarn Xuan ဆိုတဲ့ နာမည်ကို ပြောခဲ့မယ်ဆိုရင် မသိတဲ့သူ မရှိလောက်အောင်ကို ဂုဏ်သတင်းကျော်ဇော်ခဲ့တာဖြစ်ပါတယ်။

ဒီဘုန်းကြီးရဲ့ အကြောင်းကို ပြောရမယ်ဆိုရင် သူ့ကို ၁၉၃၃ ခုနှစ် မေလ ၁၉ ရက်နေ့မှာ မွေးဖွားခဲ့တာ ဖြစ်တယ်လို့ ဆိုပါတယ်။ သူ့အသက် ၃၀ အရွယ်ကို ၁၉၆၃ ခုနှစ်ထဲကိုရောက်တော့မှ ရဟန်းဝတ်ခဲ့တယ်လို့ ဆိုပါတယ်။ သူရဟန်းခံခဲ့တဲ့ကျောင်းက Chonburi မှာ ရှိတဲ့ Namatum ဘုန်းကြီးကျောင်းလို့သိရပါတယ်။ အဲ့ဒီကျောင်းမှာ တော်တော်ကြာကြာ သီတင်းသုံးခဲ့ပြီးတော့ ၁၉၇၂-၇၄ တွေမှာတော့ ကျောင်းထိုင်ကိုယ်တော်ဖြစ်ခဲ့တယ်လို့ ဆိုပါတယ်။ Ajarn Xuan ဟာ Wat Tha Lat Tai ကို ဝါတွင်းကာလအခြေအနေမျိုးတွေမှာ လာရောက် သီတင်းသုံး ဝါထပ်လေ့ ရှိတယ်လို့ ဆိုပါတယ်။ ဘယ်ခုနှစ်လောက်မှာ ဒီကျောင်းကို အပြီးပြောင်းတယ်ဆိုတာကတော့ မပြောပြတတ်ပေမယ့် ၁၉၇၄ ခုနှစ်နှောင်းပိုင်းလောက် ဖြစ်မယ်လို့ ယူဆရပါတယ်။ အဲ့ဒီအကြောင်းနဲ့ ပတ်သက်ပြီးတော့ ရက်စွဲအတိအကျ ဖော်ပြထားတာတော့ မတွေ့ရပါဘူး။

Ajarn Xuan ဟာ ဗေဒင်ရှေ့ဖြစ်နဲ့ နိမိတ်ဖတ်ရေးရာမှာ တစ်ဖက်ကမ်းခတ် တော်တယ်လို့ ဆိုကြပါတယ်။ ဒါတင်မကပဲ အဆောင် လက်ဖွဲ့ အစီအရင် လုပ်တဲ့နေရာမှာလည်း စွမ်းတယ်လို့ ဆိုကြပါတယ်။ အဲ့ဒီအတွက် သူ့ဆီကို နေရာပေါင်းစုံက လူပေါင်းစုံ ရောက်လာကြတာက မထူးဆန်းဘူးလို့ ဆိုရမှာပေါ့။ ထိုင်းနိုင်ငံက သူဌေးသူကြွယ်တွေ၊ နောက် နိုင်ငံရေးသမားတွေကနေ နိုင်ငံတကာပြိုင်ပွဲတွေကို ဝင်ရောက် ယှဉ်ပြိုင်မယ့် အလှမယ်တွေနဲ့ နိုင်ငံတကာက လူတွေအထိ ဗေဒင်ဟောပေးဖို့ အဆောင်လက်ဖွဲ့ တောင်းယူဖို့၊ ဗေဒင် ယတြာတွေ စီရင်ပေးဖို့တွေနဲ့ နောက် မကောင်းတဲ့အနှောင့်အယှက်တွေရဲ့ ရန်ကနေ ကင်းဝေးစေဖို့ အစီအရင်တွေ လုပ်ဖို့ အစရှိသဖြင့် လောကီရေးရာ အဖြာဖြာအတွက် လာရောက်ပြီး ကိုးကွယ် ဆည်းကပ်ကြပါတယ်။

သူဗေဒင်ဟောတာက သိပ်ပြီး ထူးထူးခြားခြား ဘာမှ ပြောစရာ ဇာတ်လမ်းမရှိပေမယ့်လို့ သူ့ရဲ့ လောကီရေးရာ အစီအစဉ်တွေက တော်တော်ကိုမှ ထူးဆန်းတယ်လို့ ပြောလို့ရပါတယ်။ ဟိုးရှေးတုန်းကတည်းက ထိုင်းလူမျိုးတွေ ဆောင်လေ့ ရှိတဲ့ အဆောင်တစ်မျိုးရှိတယ်။ ထိုင်းလိုတော့ Plad Khik လို့ခေါ်တာပေါ့လေ။ ဒီအဆောင်ကို လောကီရေးရာ အစီအစဉ်လုပ်တဲ့ သူတွေ ဘုန်းတော်ကြီးတွေက အစီအရင်တွေနဲ့ လုပ်ကြတာပေါ့လေ။ အဆောင်ချင်း တူတူမှာကို သူလုပ်တဲ့ အဆောင်က တအားစွမ်းတယ်ဆိုပြီးတော့ နာမည်ကြီးတာပေါ့လေ။ သူက ဒီအဆောင်ကို သံနဲ့လုပ်တာရှိတယ်။ ရွှေ ငွေ နဲ့ လုပ်တာရှိတယ်။ နောက် ဆင်စွယ်နဲ့ လုပ်တာ ရှိတယ်။ အဲ့လိုပေါ့။ အဲ့အဆောင်တစ်မျိုးစီအတွက်လည်း လုပ်ဆောင်ရမယ့် အစီအရင်တွေကို သူက သေချာ လုပ်ပေးတယ်တဲ့။ ဒီဘုန်းကြီးနာမည်ကို ပြောလိုက်တာနဲ့ ဒီအဆောင်အရမ်းစွမ်းတယ်ဆိုပြီးတော့ ပြောကြရတဲ့အထိပဲတဲ့။ ဥပမာကိုပြရမယ်ဆိုရင် 1988 ခုနှစ်တုန်းက Miss World Thailand ကို ဝင်ပြိုင်တဲ့ မယ်တစ်ယောက်က သူ့အဆောင်ကို ဆံပင်ထဲ ထည့်ပြီးတော့ ဝင်ပြိုင်တာမှာ တော်တော်ကို လူသိများသွားတဲ့ ကိစ္စ ဖြစ်ခဲ့တယ်။ အဲ့ဒီတစ်ယောက်က နိုင်သွားတော့ သူ့ကိုတောင် နာမည်ပြောင် Miss Plad Khik ဆိုပြီးတော့ ခေါ်ကြတဲ့အထိ ဖြစ်ခဲ့တယ်။

နောက် ဒီဘုန်းကြီးက သူ့ဆီလာပြီးအကူအညီတောင်းတဲ့သူတွေကို မကောင်းဆိုးဝါးရန်ကနေ ကာကွယ်ပေးဖို့၊ ဒါမှမဟုတ် ကံအဆိုးအညံ့တွေ ပယ်ပျောက်ဖို့ဆိုပြီးတော့ လုပ်တဲ့ အစီအရင်နောက်တစ်ခု ရှိသေးတယ်။ အဲ့ဒါကတော့ ဒီဘုန်းတော်ကြီးဝိုင်းထဲမှာ မြင်ရတဲ့ ထူးဆန်းတဲ့ ပုံပန်းသဏ္ဍာန်နဲ့ အရုပ်တွေကို သွန်းလောင်းတာ ဖြစ်ပါတယ်။ ဒီအရုပ်တွေကို သွန်းလောင်းတဲ့နေရာမှာ သူက ထူးခြားတဲ့ အစီအရင်တွေနဲ့ ပြုလုပ်လေ့ရှိတယ်လို့ ဆိုပါတယ်။

၁၉၇၉ ခုနှစ်မှာတော့ ထိုင်းနိုင်ငံရဲ့ သံဃာ့အစည်းအရုံးကနေပြီးတော့မှ Ajarn Xuan ကို သူလုပ်နေတာတွေက သံဃာ့နည်းနာနဲ့ မညီညွှတ်ဘူးဆိုပြီးပြောလို့ သူ့မှာ အဲ့ဒီဘုန်းကြီးကျောင်းမှာ မနေတော့ဘဲ Chonburi က ဘုန်းကြီးကျောင်းမှာ ကာလအတန်ကြာ သွားနေခဲ့သေးတယ်လို့ဆိုပါတယ်။ နောက်မှ ဒီကျောင်းကို ပြန်လာပြီး သီတင်းပြန်သုံးတယ်လို့ဆိုပါတယ်။

Footage Credits :
1.    • พาชมบรรยากาศสุดหลอน สำนักสงฆ์ร้าง อุทยานหุ...  
2.    • หลอนสุดขีด! มดดำพาไปเปิดตำนานหุ่นปั้นฝังวิ...  
3.    • คุยคุ้ยคน | สำนักสงฆ์ผีดุ | อาจารย์ซ่วน | ...