Скачать или смотреть ပဲဟင်းတစ်ခွက်၊ အသက်တစ်ချောင်း? ခင်ပွန်းနဲ့ မိသားစုဆွေမျိုးတွေကို ဘာလုပ်ခဲ့သလဲ - Murder Monday

ကျွန်တော်တို့ Marvel Fan တွေ Superheroes ရုပ်ရှင်ကို အားပေးတဲ့သူတွေဆိုရင် Black widow သိကြမှာပါ။ တကယ့်အပြင်မှာဆိုရင်တော့ အနက်ရောင် သို့မဟုတ် အညိုရောင် အညိုရင့်ရောင် ရှိတဲ့ ပင့်ကူအမ တွေကို Black Widow လို့ တင်စားခေါ်ဝေါ်ကြပါတယ်။ အနက်ရောင် မုဆိုးမပေါ့။ ဒီပင့်ကူတွေက မိတ်လိုက်ပြီးရင် သူတို့ရဲ့ မိတ်လိုက်ဖက် ပင့်ကူအထီးတွေကို စားပစ်တတ်တဲ့အတွက်ကြောင့်မို့လို့ ဒီလိုမျိုး တင်စားခေါ်ဝေါ်ကြတာလို့ ဆိုပါတယ်။ ထိုနည်းတူစွာပဲ ကျွန်တော်တို့ လူ့လောကမှာလည်းပဲ ချစ်သူတွေ ဒါမှမဟုတ် ခင်ပွန်းဖြစ်သူတွေကို အသက်ကုန်အောင်လုပ်ပြီး စည်းစိမ်ဥစ္စာအပိုင်ကြံတတ်တဲ့ အမျိုးသမီးတွေကိုလည်း black widow ဆိုပြီးတော့ နှိုင်းယှဉ်ခေါ်ကြပါတယ်။ အိန္ဒိယနိုင်ငံမှာ ၂၀၁၉ ခုနှစ်က တိုင်းသိပြည်သိ အခုဆို ကမ္ဘာကျော် Black Widow အမျိုးသမီးတစ်ယောက် ပေါ်ထွက်လာခဲ့ပါတယ်။

ဒီအမျိုးသမီးရဲ့အမည်က Jolly Joseph လို့ အမည်ရပြီး အိန္ဒိယနိုင်ငံရဲ့ တောင်ပိုင်းပြည်နယ်တစ်ခုဖြစ်တဲ့ ကေအေးရာလမ်ပြည်နယ်၊ ကိုရီးကုတ်ခရိုင်က ကူဒါသရီရွာက ဖြစ်ပါတယ်။ ရွာဆိုပေမယ့် လူဦးရေတစ်သောင်းကျော်ခန့်ရှိပြီးတော့ တော်တော်လေးကို စည်စည်ကားကားရှိပါတယ်။ သူ့အိမ်ဟာ ကျိန်စာအတိုက်ခံထား ရတယ်ဆိုပြီးတော့ Jolly Joseph က ခဏခဏပြောလေ့ရှိပါတယ်။ သူ့အိမ်နီးနားချင်းက အသိတစ်ယောက်ကို သူတို့အိမ်ကရေတွင်းက နေရာမှားပြီးရှိနေတဲ့အတွက်ကြောင့် အသုဘ သုံးခါ အချိန်တိုအတွင်းကပ်ပြီးဖြစ်လိမ့်မယ်လို့ လည်း ပြောဖူးပါတယ်။ သူပြောတဲ့အတိုင်းလည်းပဲ သူ့အိမ်ကလူတွေ တဖြုတ်ဖြုတ်နဲ့ ကွယ်လွန်ကုန်တာဖြစ်ပါတယ်။

၂၀၀၂ ကနေ ၂၀၁၆ ကာလအတွင်းမှာ သူ့ယောက်ျားနဲ့ ယောက္ခမ ယောက္ခထီးအပါအဝင် ၆ ယောက်တောင် ကွယ်လွန်ကုန်တာဖြစ်ပါတယ်။ သူအဲ့လိုပြောပြီးတဲ့နောက်ပိုင်း ၂၀၀၂ ခုနှစ်ကနေ ၂၀၁၁ ခုနှစ်အထိ ၉ နှစ်အတွင်းမှာ သူ့ယောက္ခမရယ်၊ ယောက္ခထီးရယ်၊ နောက် သူ့ယောက်ျားဖြစ်သူရယ် သုံးယောက်သား နှစ်ခြားပြီး အသက်ဆုံးရှုံးခဲ့ကြပါတယ်။ ယောက္ခမနဲ့ ယောက္ခထီးက နှလုံးရောဂါနဲ့ ကွယ်လွန်ခဲ့ပြီးတော့ ခင်ပွန်းဖြစ်သူက ၂၀၁၁ ခုမှာ သူ့ကိုယ်သူ အဆုံးစီရင်သွားခဲ့တယ်လို့ ဆိုပါတယ်။ ဒါပေမယ့် ၂၀၁၉ ခုနှစ်မှာတော့ အိန္ဒိယနိုင်ငံက ရဲတပ်ဖွဲ့က Jolly Joesph ကို ဒီလူသုံးဦးအပြင် နောက်ဆွေနီးမျိုးစပ်ထဲက သုံးဦး စုစုပေါင်း ၆ ဦးကို ဒီမိသားစုဝင်တွေ ကွယ်လွန်ကြရတဲ့ အကြောင်းရင်းနဲ့ ပတ်သက်ပြီး တခြား ဖြစ်နိုင်ခြေတစ်ခုကို တင်ပြခဲ့ပါတယ်။ သူတို့တင်ပြတဲ့ ဖြစ်နိုင်ခြေမှာ Jolly Thomas ပြောတဲ့ ကျိန်စာနဲ့ ပတ်သက်တဲ့ အကြောင်းအရာတွေ တစ်ခုမှ မပါပါဘူး ဒါပေမယ့် ၂၀၁၉ ခုနှစ်မှာ အားလုံး အံ့အားသင့် သွားစေမယ့် အကြောင်းအရာတစ်ခု ပေါ်ထွက်လာပါတယ်။ ဒီမိသားစုဝင်တွေ သေဆုံးခဲ့တဲ့ဖြစ်ရပ်တွေဟာ သွေးရိုးသားရိုး မဟုတ်ဘဲ Jolly က တရားခံ ဖြစ်ကြောင်း ဖော်ပြထားလို့ပဲ ဖြစ်ပါတယ်။

ပြီးခဲ့တဲ့ တစ်ပတ်က ကျွန်တော်တို့ ကမ္ဘာ့သမိုင်းမှာ အအောင်မြင်ဆုံး အမျိုးသမီး ကွင်းဆက်လူသတ်သမားလို့ သတ်မှတ် ခံရသူ Guilia Tofana ရဲ့အကြောင်းကို ဆွေးနွေးခဲ့တယ်ပေါ့နော်။ အဲ့ဒီမှာ Guilia နဲ့ သူ့အပေါင်းပါတွေ ဟာ လူပေါင်း ၆၀၀ ကျော် ကွယ်လွန်ခဲ့မှုအတွက် အဓိကလက်သည်ဆိုပြီး ယူဆခဲ့ကြတယ်ဆိုတဲ့အကြောင်းနဲ့ သူ အသုံးပြုခဲ့တဲ့ အဆိပ်တစ်မျိုးအကြောင်းကို ကျွန်တော်တို့ ပြောခဲ့ကြတယ်။ အဲ့ဒီမှာ သူက အဲ့လို ကျူးလွန်ခဲ့ရာမှာ အဓိကက လင်ယောက်ျားဖြစ်သူရဲ့ အနိုင်ကျင့် နှိပ်စက်မှုနဲ့ ဖိနှိပ်မှုကို ခံစားကြရတဲ့ အမျိုးသမီးတွေကို ကူညီချင်တဲ့ စိတ်ဓါတ်နဲ့ အဲ့ဒီဆေးအဆိပ်ကို မိတ်ကပ်အသွင် ဖော်စပ်ခဲ့တဲ့အကြောင်း ပြောခဲ့တယ်။ ဒါပေမယ့် ဒီနေ့ ကျွန်တော်တို့ ပြောပြမယ့် အမှုမှာလည်း အိန္ဒိယနိုင်ငံ တောင်ပိုင်းက ရွာတစ်ရွာက Jolly Thomas လို့ အမည်ရတဲ့ အမျိုးသမီးဟာ သူ့ ယောက္ခမ၊ ယောက္ခထီး၊ ခင်ပွန်းဖြစ်သူနဲ့ ဆွေမျိုးတော်စပ်သူ သုံးဦးကို ဆိုင်ယာနိုက် အဆိပ်ခတ်ပြီး သတ်ခဲ့တယ်ဆိုတဲ့ကိစ္စမှာရော သူ့ရဲ့ ရည်ရွယ်ချက်က ဘာတွေဖြစ်မလဲ၊ ဒီအမှုတွေကို ၁၄ နှစ်တာ ကာလအတွင်းသူ ဘယ်လို ကျူးလွန်ခဲ့သလဲ၊ နောက်ဆုံး မြှားဦးဟာ ဘယ်လိုလုပ်သူ့ဆီ ပြန်လှည့်လာသလဲ ဆိုတဲ့ အချက်အလက်တွေကို ကျွန်တော် ပေါင်းပြီး တင်ဆက်ပေးသွားမှာဖြစ်ပါတယ်။

ကျွန်တော်တစ်ခုပြောချင်တာက ဆိုင်ယာနိုက်အဆိပ်ဆိုတာက လမ်းဘေးမှာ လွယ်လွယ်ကူကူ ရှောရှောရှူရှူ ဝယ်လို့ ရတာမျိုးလည်း မဟုတ်ပါဘူး။ ဒီဆေးကို ရောင်းဝယ်ဖောက်ကားတယ်ဆိုရာမှာလည်း စာရွက်စာတမ်း အဆင့်ဆင့်နဲ့ ခွင့်ပြုချက်ရမှ ရောင်းဝယ်ဖောက်ကားခွင့်ရှိတာဖြစ်ပါတယ်။ ဆေးဆိုင်မှာတောင် တချို့ဆေးတွေဆို ဒီအတိုင်းဝယ်လို့မရဘဲ ဆရာဝန်ဆေးစာပါမှ ဝယ်လို့ရတာမျိုးမဟုတ်လား။ ဒီအခု အဆိပ်ဆေးဆိုတာကလည်း လုပ်ငန်းသုံးအတွက် လိုအပ်လို့ ရောင်းဝယ်ဖောက်ကားကြတာပါ။ အပြင်လူက မေးဝယ်နေရင် ဒါက သံသယ ဖြစ်စရာဆိုတာ တန်းသိကြမှာပါနော်။ မေးဝယ်ဖို့ မကြိုးစားကြပါနဲ့ခင်ဗျာ။ ကျွန်တော်အခု ဒီအကြောင်းအရာ တွေကို ပြောတယ်ဆိုတာက ဗဟုသုတဖြစ်စေဖို့ရယ် ကိုယ့်အနီးအနားမှာ တစ်ခုခုဖြစ်လာရင် သိရှိရအောင် ဖြစ်ပါတယ်။ ကိုယ့်အနီးအနားက လူကို ဒုက္ခပေးဖို့ မဟုတ်ဘူးဆိုတာ သတိလေးချပ်စေချင်ပါတယ်။ ပြီးတော့ အဲ့ဒါကို မေးဝယ်ဖို့ ကြိုးစားရင် အဖမ်းခံရမှာ အမေးစမ်းခံရမှာ ကျိန်းသေပါပဲနော်။

#MurderMonday #myanmar #StoryBears #StoryBearsMM