Скачать или смотреть የእርግዝና አፈጣጠር | How pregnancy will occur ?

እርግዝና እንዲፈጠር ዋና ዋና ሂደቶች መከናወን አለባቸው። እነዚህም የወንድ የዘር ህዋስ መጎዝ ፣ የእንቁላል መለቀቅ ፣ ፅንሰት መካሄድ እና የተፈጠረው ፅንስ ወደ ማህፀን ሄዶ መተከል አለበት።

📌የስፐርም መጓዝ
የወንድ የዘር ፈሳሽ ከወጣ በኋላ ሴሜኑ (ፈሳሹ) ከሴቷ ብልት አሲዳማነት የሚከላከል ጄልን ይፈጥራል። ጄሉ ከ 20 እስከ 30 ባሉት ደቂቃዎች ውስጥ ከፕሮስቴት gland በሚለቀቁ ኢንዛይሞች አማካኝነት እርጥበትን ይፈጥራል። ይህ የሚፈጠረው እርጥበት የወንድ የዘር ህዋሱን ነፃ ለማድረግ አስፈላጊ ነው ። ስለዚህ በነፃነት ህዋሱ ይጓዛል ማለት ነው። የሴሚናል ፕላዝማው በሴቷ ብልት ውስጥ ይቀራል። ከፍተኛ እንቅስቃሴ ያለው የወንድ ዘር ህዋስ ግን ወደ ማህፀን መግቢያ ባለው የማህፀን በር በኩል ይጓዛል። ይህ የማህፀን በር እንቁላል በምትለቁበት ጊዜ ለስላሳ ይሆናል። ይህም አሲዳማነቱን ይቀንሰዋል እናም, ለወንድ የዘር ህዋሱ ተስማሚ አካባቢ ይፈጥራል።

የወንዱ የዘር ፍሬ ወደ ማህጸን ውስጥ ከገባ በኋላ መጨማደዱ የወንዱ ዘር ወደ ላይ ከፍ ብሎ ወደ ማህፀን ቱቦ ውስጥ እንዲገባ ያደርገዋል። የመጀመሪያው የወንድ የዘር ፈሳሽ ከወጣ ከደቂቃዎች በኋላ ወደ ማህፀን ቱቦ ይገባል። የመጀመሪያው የወንድ የዘር ህዋስ ግን እንቁላሉ ውስጥ ላይገባ ይችላል። ስፐርም በሴት የመራቢያ አካል ውስጥ እስከ አምስት ቀናት ድረስ ሊቆይ ይችላል።

📌የእንቁላል መለቀቅ
የእንቁላል መለቀቅ የሚጀምረው በኦቭዩሌሽን ጊዜ ላይ ሲሆን እንቁላሉ ወደ ማህፀን ከደረሰ በኋላ ያበቃል። ኦቭዩሽን ከተካሄደ በኋላ የማህፀን ቱቦ ጫፍ ኦቫሪ ላይ ጠራርጎ ይሄዳል።
በማህፀን ቱቦ ውስጥ ያሉት ጡንቻዎች መኮማተር የእንቁላልን ጉዞ ያፋጥናል።
የእንቁላሉ ጉዞ 30 ሰአታት ያህል ይወስዳል።
እንደ የዳሌ ኢንፌክሽኖች እና ኢንዶሜሪዮሲስ ያሉ ሁኔታዎች የእንቁላል መለቀቅን እና የማህፀንን ቱቦ ተግባርን ያደናቅፋሉ።

📌 የፅንስ መፈጠር
እንቁላል ከተለቀቀ በኋላ እንቁላሉ ከ 12 እስከ 24 ሰአታት ውስጥ ብቻ መራባት ወይም ፅንስ መፍጠር ይችላል። በእንቁላል እና በወንድ ዘር መካከል ያለው ግንኙነት በዘፈቀደ የሚካሄድ ነው። ፅንሰት በማህፀን ቱቦ ውስጥ ይካሄዳል። የተፈጠውም ፅንስ ለሰዓታት በማህፀን ቱቦ ውስጥ ይቆያል። በቱቦው ውስጥ ያለው ቆይታ የዳበረው እንቁላል እንዲያድግ እና ማህፀንም ምቹ ሆኖ ለመቀበል ለማዘጋጀት አስፈላጊ ነው። በማህፀን ቱቦ ውስጥ የሚፈጠሩ ችግሮች ectopic እርግዝናን ሊፈጥሩ ይችላሉ።

በእንቁላል ዙሪያ ላይ ያለው ሽፋን ለወንዱ ዘር ልዩ የሆኑ የወንድ የዘር ፈሳሽ ተቀባይዎችን ይዟል። በሁለተኛ ደረጃ ያለው ሽፋን የወንዱ የዘር ህዋስ ከገባ በኋላ ሽፋኑ ሌላ የወንዱ የዘር ህዋስ እንዳይገባ ይከላከላል።
የወንዱ የዘር ህዋስ ወደ እንቁላሉ ከገባ በኋላ የመጀመሪያው የሕዋስ ክፍፍል መካሄድ ይጀምራል። የመጀመሪያው የነጠላ ሕዋስ zygot ይባላል። በሚቀጥሉት ሰባት ቀናት ውስጥ የሰው ልጅ ህዋስ mitosis ተብሎ በሚጠራው የህዋስ ክፍፍል ሂደት ወደ ብዙ የህዋስ ክፍፍል ያደርጋል። ይህ የህዋስ ክፍፍል ሲያልቅ ፅንሱ በጣም የተደራጀ አንድ የህዋሶች ስብስብ ይሆናል። ይህም blastocyts በመባል ይታወቃል።
የሴቷ እድሜ ግን እየገፋ ሲሄድ ይህ ሂደት በትክክል አይካሄድም ምክንያቱም ባላት አነስተኛ የእንቁላል ጥራት ምክንያት ነው።

📌 መትከል
ፅንሱ ወደ ብላንዳቶሲስት ደረጃ ላይ ከደረሰ በኋላ በግምት ከአምስት እስከ ስድስት ቀናት ውስጥ ከፅንሰቱ በኋላ ከማህፀን ቱቦ ይወጣል ከዚያም በማህፀን ውስጥ የመትከል ሂደት ይጀምራል። በተፈጥሮ ውስጥ ከተዳቀሉ እንቁላሎች መካከል 50 በመቶው የሚሆኑት አንዲት ሴት የወር አበባዋ ከመቅረቱ ይጨናገፋሉ።
በ In vitro fertilization (IVF) ሂደት ውስጥም ፅንሱ ማደግ ሊጀምር ይችላል ነገርግን ወደ blastocyt ደረጃ ላይደርስ ይችላል ።
blastocyt ሊተከል ይችላል ነገር ግን ላያድግ ይችላል። ወይም ሊያድግ ይችላል ነገር ግን እርግዝና ሊታወቅበት ከሚችልበት ማለትም ከሁለት ሳምንት በፊት ማደጉን ሊያቆም ይችላል። የማሕፀን ጤና እና የፅንሱ ጤና ለመትከል ሂደት አስፈላጊ ነው።

#pregnancy
#sperm
#ethiopia