Скачать или смотреть Rreze Dielli - Byreku i Librazhdit me arra nga amvisa Mirela Boci

#rrezedielli #reportTV

E ftuar në këndin e kuzhinës amvisa Mirela Boci Balla, e cila gatuan recetën tradicionale të qytetit të saj, Byrekun e Librazhdit me arra

Byrek me arra

Për brumin:
500 gr miell
1 lugë çaji kripë
2 lgj vaj
Ujë të vakët

Për mbushjen:
300 gr arra
1 filxhan vaj
100 gr gjalpë
Kripë

Në fillim zemë brumim me ujë të vakët, miell, pak kripë dhe vaj. E lemë brumin të pushojë 5 minuta mbuluar me pecetë. Ndërkohë copëtojmë arrat dhe i përziejmë me kripë. Tresim gjalpin jo shumë dhe më pas e heqim nga soba, e përziejmë me vajin dhe e lemë të ftohet pak. Fillojmë ndajmë brumin në topa dhe hapim petat 3 e nga 3 të lyera me vaj dhe miell, i shtrojmë në tavë petat duke i spërkatur me vaj dhe gjalpë, ku në çdo tre petë hedhim arra. E pjekim byrekun në 200 gradë në furrë të parangrohur.