Abandoned Nuwaraeliya - Udupussellawa Railway Line in Srilanka

#Udupussallawa #Railway #Srilanka
අකාලයේ මියැදුණු  නුවරඑළිය , උඩුපුස්සැල්ලාව  දුම්රිය මාර්ගය.


සුදු ජාතිකයින් ලංකාවට තිලිණ කල දුම්රිය මාර්ග පද්ධතිය නිදහස දිනාගැනීමෙන් පසුව වර්තමානය දක්වාත් පැවතුණද සුදු ජාතිකයින් ඉතිරිකර ගිය දේ හැරෙන්නට  අප ලබා ඇත්තේ ඉතාම සුලු සංවර්ධනයක් පමණි. සුදු ජාතිකයින්ට පසු දුම්රිය මාර්ගය අපට දීර්ඝ කිරීමට හැකිවුයේ තවමත් කිලෝමීටර් කීයද...?  නමුත් අප අලුතෙන් දීර්ඝ කරගත් කිලෝමීටර් ගණට වඩා සුදු ජාතිකයින් ඉතිරිකර ගිය කිලෝමීටර් ගණනෙනුත් කොටසක් වර්තමානය වන විට වසා දමා තිබෙනවා .

මේ වීඩියෝවෙන් තොරතුරු ගෙන එන්නට බලාපොරොත්තු වෙන්නේ එසේ වසා දැමුණු අපේ රටේ පිහිටි වර්තමානයේ තිබුණා නම් අාසියාවේ සුන්දරම දුම්රිය මාර්ගයක් වන්නට තිබූ උඩුපුස්සැල්ලාව දුම්රිය මාර්ගය පිළිබදවයි.


උඩුපුස්සැල්ලාව දුම්රිය මාර්ගය පිහිටා තිබුණේ පටු අාමාන දුම්රිය මාර්ගයක් ලෙසයි. මෙය නානුඔය දුම්රිය ස්ථානයේ සිට රාගල දක්වා දුම්රිය මාර්ගය පිහිටා තිබුණා . අතීතයේ නම් නානුඔය දුම්රිය ස්ථානය ශ්‍රී ලංකාවේ දුම්රිය මංසන්ධි අතරින් ප්‍රධාන දුම්රිය මංසන්ධියක්. එක් අන්තයක් බදුල්ලට දෙසටත් තවත් මාර්ගයක් පටු ආමාන දුම්රිය මාර්ගයක් ලෙස නුවරඑළිය සහ රාගල දක්වා විහිදී තිබුණා. නානුඔය සිට රාගල දක්වා දුම්රිය මාර්ගය  කිලෝමීටර් 30ක පමණ දුරකින් යුක්ත වුනා. 1900 වර්ෂයේ මෙම දුම්රිය මාර්ගයේ වැඩ කටයුතු ආරම්භ කල අතර වසර හතරක් තුලදී එය නිමකොට 1904  දී මෙම දුම්රිය  මාර්ගය විවෘත වනවා.

මෙම දුම්රිය මාර්ගය ඉදිකිරීමේ මූලික අරමුණ වෙලා තිබුණේ  කඳුකරයේ වතු ආශ්‍රිතව  වතු භෝග සහ ඒවාට අවශ්‍ය අමුද්‍රව්‍ය , භාණ්ඩ ප්‍රවාහනය කිරීම සඳහායි. කඳුකර මාවතක් සහ ඉතා තියුණු වංගු සහිත දුම්රිය මාර්ගයක් වීම හේතුවෙන් මෙම දුම්රිය මාර්ගයේ දුම්රිය ධාවනය වුනේ ඉතාම සෙමින්.

1940-48  කාල වනවිට විකල්ප ප්‍රවාහන මාධ්‍යයන් යොදාගැනීමත් මෙම දුම්රිය මාර්ගයේ දුම්රිය ධාවනය වඩාත් ලාභදායි හා කාර්‍යක්ෂම නොවන ක්‍රියාවක් බවත් සැලකිල්ලට ගෙන 1948 වර්ෂයේ අගෝස්තු මස දෙවෙනි දින මෙම දුම්රිය මාර්ගය සම්පූර්ණයෙන්ම වසා දමනු ලබනවා.

වර්තමානයේ මෙම දුම්රිය මාර්ගය සක්‍රීයව පැවතුණා නම් සංචාරක කර්මාන්තය ඔස්සේ විශාල පිරිවැයක් ලබන්නට තිබූ ශ්‍රීලංකාවේ මෙන්ම ආසියාවේම සුන්දර දුම්රිය මාර්ගයක් වන බව නොඅනුමානයි . ඒ  වගේම අතීතයේ ශ්‍රී ලංකාවේ උසින්ම පිහිටි දුම්රිය මාර්ගය මෙය වන අතර  ශ්‍රී ලංකාවේ මුහුදු මට්ටමේ සිට උසින්ම පිහිටි දුම්රිය ස්ථානය ලෙස වර්තමානයේ පට්ටිපොල දුම්රිය ස්ථානය සැලකුණත් අතීතයේ මුහුදු මට්ටමේ සිට උසින්ම පිහිටි දුම්රිය ස්ථානය පිහිටා තිබුණේ මේ වසා දැමුණු උඩුපුස්සැල්ලාව දුම්රිය මාර්ගයේයි... ඒ මුහුදු මට්ටමේ සිට අඩි 6316  ක උසින් පිහිටා තිබුණු "  කඳපොල දුම්රිය ස්ථානයයි"

මෙම දුම්රිය මාර්ගය නානුඔය සිට රාගල දක්වා පැවතුණද මෙය හැදින්වූයේ උඩුපුස්සැල්ලාව දුම්රිය මාර්ගය ලෙසයි. මෙම දුම්රිය මාර්ගයේ නානුඔය සිට රාගල දක්වා ප්‍රධාන දුම්රිය ස්ථාන පහක් සහ කුඩා දුම්රිය ස්ථාන පහක් පිහිටා තිබුණි. මෙම දුම්රිය ස්ථාන සියල්ල ඉදිකිරීමේ ප්‍රධාන අරමුණ සහ හේතුව වුනේ වතු ආශ්‍රිත බෝග විශේෂයෙන්ම තේ ප්‍රවාහනය සඳහා වුවත් මෙහි මගී ප්‍රවාහනයද සිදු කෙරිණි.

🚫 උඩුපුස්සැල්ලාව දුම්රිය මාර්ගයේ  නානුඔය සිට රාගල දක්වා විශේෂ මං සලකුණු පිළිවෙලින් මෙසේයි

🔴  නානුඔය (  මෙහිදී දුම්රිය මාර්ගය බදුල්ල දෙසටත් නුවරඑළිය සහ රාගල දෙසටත්  බෙදී වෙන්වේ)

🔴  බ්ලැක් ෆූල්

🔴  නුවරඑළිය

🔴 පිඩ්රෝ

🔴  සමර්හිල්

🔴  පෝර්ට්ස්වුඩ්

🔴  කඳපොළ

🔴 12:40*

🔴 st. ජෝන්ස්

🔴 බෘක්සයිඩ්

🔴  රාගල

1948 උඩුපුස්සැල්ලාව දුම්රිය මාර්ගය සම්පූර්ණයෙන්ම වසා දැමීමත් සමඟම දුම්රිය මාර්ගය සම්පූර්ණයෙන්ම ගලවා ඉවත් කරනු ලැබුවා.. නමුත් එම දුම්රිය මාර්ගයේ නටඹුන් අදටත් ඒ ආශ්‍රිත කලාපය තුල දැකගත හැකි වනවා. විශේෂයෙන්ම වර්තමානයේ නුවරඑළිය ලංගම ඩිපෝව පිහිටා තිබෙන්නේ  පැරණි නුවරඑළිය දුම්රිය ස්ථානය තිබු ස්ථානයේයි. එවැනි ගොඩනැගිලි නටඹුන් රාශියක් අදටත් දැකගත හැකිවනවා .

සටහන :ශශින් විජේතුංග