Скачать или смотреть Алғыс айту күні

Көктемнің шуақты мерекелері – Алғыс айту күні мен 8 наурыз- Халықаралық әйелдер күніне орай 11-сынып оқушылары ерекше форматтағы, мазмұны терең, тәрбиелік мәні зор мерекелік кеш ұйымдастырды. Бұл кеш – тек мерекелік шара ғана емес, ата-аналарға деген құрмет пен шынайы алғыстың жарқын көрінісі болды.

Кешке 11-сынып оқушыларының ата-аналары арнайы шақырылып, балаларының өнерін тамашалады. Сахна төрінде оқушылар ән айтып, әсерлі өлеңдер оқып, жүрек тебірентерлік қойылымдар көрсетті. Әрбір нөмір үлкен дайындықпен, жауапкершілікпен орындалып, көрермендердің ыстық ықыласына бөленді. Әсіресе, аналарға арналған арнаулар кештің шарықтау шегіне айналды. Оқушылар аналарына деген құрметін білдіріп, мейірімі мен махаббатына алғыс айтты. Жас жүректерден шыққан шынайы сөздер мен жылы лебіздер ата-аналардың көңілін толқытып, көздеріне қуаныш жасы үйірілді.

Кеш барысында оқушылар өздерінің өнерлерін жан-жақты көрсете отырып, ұйымшылдық пен шығармашылық қабілеттерін танытты. Бұл тағылымы мол шара – отбасы құндылығын дәріптеп, анаға деген сыйластықты арттырған әсерлі кеш ретінде есте қалды. 💐

Өткізгендер: Л.Жандосова, Н.Оралбаев, аға тәлімгер Ә.Бердалина.