Скачать или смотреть Ризашылық пен құрмет

🌸“РИЗАШЫЛЫҚ ПЕН ҚҰРМЕТ” КЕШІ🌸

Көктемнің шуақты мерекелері – Алғыс айту күні және 8 наурыз- Халықаралық әйелдер күніне орай мектебімізде ерекше форматтағы әсерлі кеш ұйымдастырылды. Мектеп директоры Айғаным Қорабайқызы бастаған мектеп әкімшілігі аға буын өкілдері, ардақты ұстаздарға арнап тағылымды, сырға толы кездесу өткізді.
Ұстаздарға алдын ала арнайы шақыру қағаздары табысталып, кештің қонақтары кім болары жұмбақ күйінде сақталды. Ал кешке келген сәтте мұғалімдер бір-бірін көріп, шынайы қуанышқа бөленді. Құпия шақырылған әріптестердің қауышуы кештің шырайын кіргізіп, ерекше әсер сыйлады.
Естелік суреттерге көз жүгіртіп, өткенді бірге еске алып, жылы әңгіме өрбітіп, көңілді ойындар ойнатылды. Әр сәт ризашылық пен құрметке толы болды.

💐 Саналы ғұмырын шәкірт тәрбиесіне арнаған барша ұстаздарымызға алғысымыз шексіз! Мерекелеріңіз құтты болсын!