"Акчага бааланган өмүр" | 1 | Автор: Датка АЙЫМ/Аудио китеп

Cүйүү роман
Б.: Жанызак басма, 2017. 144 б.
Үмүт...
Адамдардын баардыгы үмүт менен жашашат. Бири-биринен үмүттөнүп жашашат. Ошондой эле ата-эне да бой жетип калган уул-кызынан көп нерселерди үмүттөнүшөт. Албетте алар ааламга жаратып, эрезеге жеткизди. Үмүт кылганы акысы бар. Бирок кээ бирлери жаңы гана уядан учуп жаткан, жашоонун оош кыйышын түшүнө элек балапан балдарын чет элге жиберишет. Көкүрөк күчүктөрү чет элде иштеп акча таап, жашоо шарттарын жакшыртат деген үмүт менен жол карашат. Бирок... ошол эле мезгилде, жашоону таза, башкача элестетип, келечегин жарык көрүп, жаштайынан билимдүү, ишкер адам болууну каалап, жаркын жашоону элестетип алган кээ бир өспүрүмдөрдүн үмүтү сары жалбырактай үзүлүп, ызгаар бороондо талкаланып калганын сезишпейт.