شيلة حواتم الهيلا | الروس تقدح والمحازم جويده | آداء خالد المري (العذب) | لحن جديد | ٢٠١٩

* ملاحظة : نسخك للمحتوى او إعادة رفعه يعرض قناتك للاغلاق
‏mulahazat: nasakhak lilmuhtawaa 'aw 'iieadat rafaeah yuearid qanatik lilaighlaq

شيلة ؛ حواتم الهيلا 2019

كلمات الشاعر ؛
محمد بن زبن العتيبي
آداء المنشد ؛
خالد المري ( العذب )

تصميم ؛
نواف البقمي | القناة الرسمية

الأبيات ؛

‏في ماقفً ماكل رجال يحماه
‏الا ابلجٍ تغلي حميّا وريده

‏واليا امتلا صدره من اقصاه لقصاه
‏يصافح الساحة بغرى فريده

‏والشعر لولا حاجته ماكتبناه
‏ولا طرقنا كل فكره جديده

‏تعدد اغراضه وقافه ومعناه
‏ومن لايجيده كره اللي يجيده

‏شعراً ليا منك سمعته تعداه
‏وشعراً ليا منك سمعته تعيده

‏اما يجيب الشاعر الجزل وعفاه
‏ولا الوقوف العايدي ما يفيده

‏وانا وقفت وذا قصيدي وفحواه
‏من راسي لروس الرياجيل سيده

‏في محفل روس النشاما تنصاه
‏مشرع بابه مازرفل حديده

‏يامرحبا ترحيبنا اللي ورثناه
‏ورثٍ نعيده كل يوم ونزيده

‏في محفل اللي ما تعذرت دعواه
‏ ماني عضيدً يعتذر عن عضيده

‏حفل ابن عمي وافتخر في مزاياه
‏كل العلوم الكايده ماتكيده

‏يحدها هزاع قدام تحداه
‏ويشوفها لاجات فرصه سعيده

‏والمدح فاللي تكسب الطيب يمناه
‏ينومس الشاعر ويرفع رصيده

‏في مدح ابو عاصم ومثله وشرواه
‏ودك تسوي كل ليله قصيده

‏النادر اللي كل ماجيت تلقاه
‏ارسى من العارض وضلع الفريده

‏كرم يمينه مثل غيثا نثر ماه
‏منه الديار المجذبه مستفيده

‏يفداه من يعط المواجيب علباه
‏ويموت ماشافوا هل الجيد جيده

‏دمث الجناب اللي ضحوكا محياه
‏وش الغريب يصافح المجد بيده

‏وهو سليل اللي طروقه مخلاه
‏ابن شرار اللي صفاته حميده

‏واكبر دليل بمحفله لاعدمناه
‏جوه الضيوف من الديار البعيده

‏لولا وفاه وسمعته محد جاه
‏ولا احضرو عنده بديده بديده

‏حفله مسبب للعساكر معاناه
‏والزحمه بكل المنافذ شديده

‏يوم احتفى بلي على الطيب رباه
‏عاصم وعاصم فالمواقف وليده

‏يمشي بسلم الاد ذايب بممشاه
‏دربً مشوه اجدادنا مايحيده

‏حواتم الهيلا هل الوجه والجاه
‏الروس تقدح والمحازم جويده

‏المال عن ماجوبنا ماذخرناه
‏للضيف ولا للوازم نبيده

‏هذا بعض ما عندنا الحمد لله
‏مثل الخبر في مانشيت الجريده

لطلب التصاميم ؛
‏Whatsapp :
0535941516
‏Twitter :
‏http://cutt.us/3rSCA
‏Snap :
‏http://cutt.us/asoPX

إشترك - إضغط على إعجاب - أضف تعليق - وأنشر المقطع .. لا أستغني عن دعمكم ..
‏Subscribe - Like

انتظروا كل ماهو جديد وحصري ..