Скачать или смотреть နွေရာသီရောက်လာရင် အရမ်းလှတဲ့တောင်သမန်အင်းဘက်သွားကြစားကြမယ် 🍴

အရာရာလွမ်းစရာတွေအပြည့်ဖြစ်နေတဲ့ မန္တလေးနွေဦးမှာ တောင်သမန်အင်းဘက်သွားပြီး ဆိတ်ထောင်းထမင်း အကြော်စုံစားကြမယ် 🌳

နေရင်းထိုင်ရင်း ဘာကိုလွမ်းလို့လွမ်းမှန်းမသိ အရမ်းလွမ်းပါတယ်ဆိုထကြည့်လိုက်တာ ဘယ်ဟုတ်မလဲ မန္တလေးမှာနွေဦးရောက်တာဖြစ်နေတယ် 🍂 ဘယ်နေရာကြည့်ကြည့်သစ်ရွက်ကြွေတွေတဖွဲဖွဲ လေရူးတွေတဝှေ့ဝှေ့နဲ့ရူးလောက်အောင်ကိုလွမ်းချင်စရာကောင်းတာပေါ့..

မန္တလေးမှာနေရင်းမန္တလေးကိုပြန်လွမ်းနေရတယ်ဆိုတာမျိုး နွေရောက်ရင်ပိုလှတဲ့ တောင်သမန်အင်းဘက်ကို မရောက်တာလည်းကြာနေလှပြီဆိုတော့ နီနီဆိုင်ကယ်လေးပတ်မောင်းရင်း တောင်သမန်အင်းနဲ့ဦးပိန်တံတားရဲ့ နွေညနေခင်းလေးတခုရဲ့အလှကိုသွားခံစားဖြစ်ခဲ့တယ်။ တက္ကသိုလ်တက်ခဲ့တုန်းက ကျောင်းသွားကျောင်းပြန်ဆိုင်ကယ်လေးနဲ့တယောက်တည်းမောင်းခဲ့ရတဲ့လမ်းတွေလွမ်းလိုက်တာဆိုတာ ❣️

တခြားမြို့တွေဘယ်နေရာမှာပြန်ရှာရှာမတွေ့နိုင်တဲ့အရသာမျိုးဆိုတာ ဦးပိန်ကဆိတ်ထောင်းထမင်းနဲ့အကြော်စုံပါပဲ။ ပြောင်းဖူး ၊ အာလူး ၊ ဗူးသီး အစုံပါတဲ့အကြော်မွမွရွရွလေးတွေကို မန်ကျည်းချဉ်ကောင်းကောင်းလေးနဲ့စားရတာကအသက်ပါပဲ။

ဆိတ်ထောင်းထမင်းချဉ်စပ်လေးကလည်းဘယ်တော့မှမဟောင်းသွားတဲ့တောင်သမန်အင်းဖက်ရောက်တိုင်းစားရတဲ့ မန္တလေးရဲ့အထာ မန္တလေးစားစရာစစ်စစ်ပါ။

ငါးဖယ်လုံးချဉ်စပ်ဟင်းရည်ကို လတ်လတ်ဆတ်ဆတ်ပုဇွန်များများပါတဲ့ ငါးဖယ်လုံးပုဇွန်ချဉ်စပ်ဟင်းရည်လေးလည်းသောက်ခဲ့တယ်။ မွှေးပြီး ချဉ်ချဉ်စပ်စပ်လေးနဲ့ အသီးအရွက်များများ ငါးဖယ်အိအိစက်စက်လေးတွေနဲ့ အရမ်းကိုကောင်းတာပါ။

ကန်ပတ်လမ်းဘက်မှာခုဆိုရင် ဆိုင်လေးတွေအရမ်းများနေပါပြီနော် 📍ကော်ဖီဆိုင်လေးတွေရော အကြော်ဆိုင်လေးတွေရော အကင်ဆိုင်လေးတွေလည်းရှိတယ်စုံနေတာပဲ။ ဒီတခေါက်နီကတော့ မယ်ဇယ်တန်းထဲက သဇင်နွယ်မှာစားခဲ့ပါတယ်..

ဆိုတော့ လွမ်းစရာကောင်းတဲ့ မန္တလေးနွေမှာ အလွမ်းပြေ အကြော်စုံပူပူလေးနဲ့ ဆိတ်ထောင်းထမင်းလေးတွေသွားစားဖို့အချိန်ကျပြီမို့ sharing လုပ်ပေးလိုက်ပါတယ်🍴

#moodyfoodie #မန္တလေးစားစရာ #တောင်သမန်အင်း #ဆိတ်ထောင်းထမင်း #အကြော်စုံ #foodvlog #foodblogger #mandalay #myanmar