Скачать или смотреть ရေတံခွန်တောင်ကြက်ကြော်စားရင်း ကန်ဘောင်လှလှလေးမှာထိုင်ငေးလို့ရတဲ့ မန္တလေးကရွှေမိုးကြီး

ပိတ်ရက်မှာသွားစရာမန္တလေးရဲ့ hidden gem တွေထဲကတခုဖြစ်တဲ့ ကန်ပတ်လမ်းက ရွှေမိုးကြီးရေတံခွန်တောင်ကြက်ကြော် ✨

တကယ်တော့ဒီဆိုင်လေးကိုနီနီက ဖွက်စားနေတာကြာပြီ ၊ အစားအသောက်ရော ၊ view ရော ၊ ဆိုင်အနေအထားရောကလုံးဝပြည့်စုံပြီး စျေးကလည်းတော်တော်လေးသက်သာတယ်။

ရေတံခွန်တောင်ဘက်မှာဖွင့်ကတည်းကလူကြိုက်အရမ်းများခဲ့ပြီးတော့ ခုဆိုကန်တော်ကြီးပတ်လမ်းဘက်ပြောင်းပြီးဖွင့်ထားတာတစ်နှစ်လောက်ရှိသွားပြီ။ နေရာပြောင်းသွားပေမယ့် အရသာမပြောင်းသွားတဲ့ ကြက်ကြော်တွေနဲ့ ဟင်းပွဲကောင်းကောင်းတွေရယ် ပိုလှလာတဲ့ view ရယ်ကြောင့် နွေရာသီရောက်လာပြီဖြစ်လို့ ပျင်းစရာကောင်းလာတဲ့မန္တလေးမှာ သွားဖို့စားဖို့နေရာလှလှလေးတခုအဖြစ် sharing လုပ်ပေးလိုက်ပါတယ်နော် ☘️🫶

ရွှေမိုးကြီးရောက်ရင် မစားမဖြစ်စားရမှာတွေကတော့ -

✨ ကြက်ကြွပ်မန်ကျည်းဆော့စ်

မန်ကျည်းဆော့စ်ရွှဲရွှဲလေးနဲ့ ကြက်ကြော်စားဖူးကြလား ? ဒီမီနူးကအရင်ကတည်းကအရမ်းပေါက်ခဲ့တဲ့ ရွှေမိုးကြီးရဲ့ signature ကြက်ကြော် ပါ။ ကိုရီးယားကြက်ကြော်တွေလို ဆော့စ်ရွှဲရွှဲပုံစံကိုမှ မန်ကျည်းအချဉ်ရည်နဲ့မြန်မာဆန်ထားတယ် ။ ဗမာကြက်ကြော်ရဲ့အရသာနဲ့ မန်ကျည်းချဉ်ရည်ကောင်းကောင်းရဲ့ပေါင်းစပ်မှုက အိုဗာမဖြစ်သွားစေပဲ ချဉ်ချိုမွှေးလေးနဲ့ ထမင်းဖြူလေးနဲ့ဆိုအလိုက်ဖက်ဆုံးပါပဲ ။

✨ ရေတံခွန်တောင်ကြက်ကြော်

ကြက်သွန်ဖြူကြွပ်ကြွပ် ၊ ဂျင်းမွှေးမွှေး ပျဉ်းတော်သိမ်ရွက်လေးတွေပါထည့်ကြော်ထားတဲ့ မန္တလေးရဲ့အထင်ကရစားစရာ ရေတံခွန်တောင်ကြက်ကြော်ကြွပ်ကြွပ်မွှေးမွှေးလေးတစ်ပွဲကို ဘီယာအေးအေးလေးနဲ့ မြည်းမယ်ဆိုရင်လည်း ရွှေမိုးကြီးမှာ ပြီးပြည့်စုံပါတယ်။ သူ့ရဲ့ကြက်ကြော်အရသာက လုံးဝလျော့မနေဘူး ၊ စားလိုက်တာနဲ့တင်စေတနာပါမှန်းသိသာတယ်။ မွှေးပြီးကြွပ်ရွနေတာကအသက်ပဲ။

✨ ငုံးကြော်ကောင်းကောင်းကြိုက်တတ်တဲ့သူတွေဆို ရွှေမိုးကြီးမှာက ငုံးကြော်စစ်စစ် အမြဲတမ်းမှာလို့ရပါတယ်။ လုံးဝကြွပ်ရွပြီးချိုနေတာပဲ။

✨ဟင်းရည်ထဲကဆို ချဉ်ချဉ်စပ်စပ်လေး မျှစ်ဖတ်များများနဲ့သောက်လို့ကောင်းတဲ့ ငါးခူမျှစ်ချဉ်မှာခဲ့တယ်။ သူ့ဟင်းရည်တွေကတစ်ပွဲတစ်ပွဲကို အများကြီးပါတာမို့ လူများများသွားစားမယ့်လူတွေအတွက်တကယ်ကိုအဆင်ပြေတယ်။

🌶️ အစပ်ကြိုက်တဲ့သူတွေအတွက်ဆိုရင် အနှစ်များများနဲ့ အတွင်းထဲထိအရသာဝင်ပြီးထိမိနေတဲ့ ငါးခဲပဲချဉ်စပ်လေးကလည်း ငါးအသားလေးကအိစက်ပြီးချိုနေတာပဲ။ ငါးကညှီနံ့လုံးဝမပါပဲ သူ့အနှစ်ခပ်များများကထမင်းနဲ့နယ်စားအရမ်းကောင်းသော။

🦞လတ်လတ်ဆတ်ဆတ်ပုစွန်အစိမ်းသုပ်ကလည်းရသေးတာ ၊ ပုဇွန်ကလတ်ဆတ်တော့ဝါးရတာတထုပ်ထုပ်နဲ့ ချိုနေရော။ ရွှေမိုးကြီးမှာက စားစရာမီနူးရွေးစရာများပြီး စျေးလေးတွေမဆိုးတာကိုတော်တော်သဘောကျတယ်။

✨ မပါမဖြစ် သင်္ဘောသီးထောင်းတွေ ရာသီစာ မြူရွက်သုပ်တို့ ၊ ညောင်ချဉ်သုပ်တို့တိုလို အရွက်သုပ်အစုံတွေကနေ ပေါ်ဦးပေါ်ဖျား သရက်သီးသုပ် သရက်သီးထောင်းစပ်စပ်လေးကလည်း မစားမဖြစ်ပဲ။

☘️ စျေးလေးတွေကလည်းအသုပ်အထောင်းတွေ ၅၀၀၀ ၊ ၆၀၀၀ လောက်ကနေစလို့ ကြက်ကြော်တွေဆိုလည်း ပွဲသေး ပွဲကြီးခွဲမှာလို့ရလို့ နှစ်ယောက်လောက်ပဲအေးဆေးသွားထိုင်မလား အုပ်စုလိုက်ကြီးတနေကုန်သွားchillကြမလား နေရာလေးကတကယ့်ကိုအမောပြေစရာလေး။

ရေတံခွန်တောင်ဘက်တုန်းက vibe အတိုင်းပဲတဲလေးတွေနဲ့ထိုင်မလား ကန်ဘောင်ပေါ် ဗေဒါတောကြီးဘေး ရေပြင်ကြီးငေးရင်းလေတဖြူးဖြူးနဲ့ထိုင်မလားနေရာလေးကအေးဆေးပဲ။ မြက်ခင်းစိမ်းကြီးထဲ ဓာတ်ပုံလေးတွေပတ်ရိုက်လို့လည်းလှတယ် 📸

လိပ်စာလေးကတော့ - ရွှေမိုးကြီးကြက်ကြော်နှင့်စားဖွယ်စုံ
📍ကန်တော်ကြီးပတ်လမ်းပေါ် ၊ ကုက္ကိုလ်ကျွန်းနားမရောက်ခင်မှာရှိပါတယ်။

ရွှေမိုးကြီး ကြက်ကြော် နှင့် စားဖွယ်စုံ

#moodyfoodie #ရွှေမိုးကြီးကြက်ကြော် #ကန်ပတ်လမ်း #မန္တလေးစားစရာ #ရေတံခွန်ကြက်ကြော် #vlog #foodvlog #dailyvlog #mandalay #mandalaymyanmar #foodblogger #myanmar