Beynəlxalq Qalereyada 22 iyul Milli Mətbuat Gününə həsr olunmuş tədbir keçirilib

Beynəlxalq Qalereyada Aygün Əzizovanın təşkilatçılığı ilə 22 iyul Milli Mətbuat Gününə həsr olunmuş tədbir keçirilib. Tədbirdə Media nümayəndələri və rəssamlar iştirak edirdilər.
Tədbiri giriş sözü ilə açan Beynəlxalq Qalereyanın direktoru Elnurə İsgəndərova qonaqları salamlayaraq 22 iyul Milli Mətbuat Günü münasibətilə media nümayəndələrini təbrik etdi. Qarabağ müharibəsində şəhid olan jurnalistlərin xatirəsi bir dəqiqəlik sükutla yad olunub.
Elnurə İsgəndərova "Əkinçi" qəzetinin nəşr olunmasından ötən 149 il ərzində Azərbaycan mətbuatının inkişafından bəhs etdi.
Təltif edilən media nümayəndələri - Xanoğlan Əhmədov, Dünyaxanım Əliyeva, Çingiz Abdullayev, Yeganə Telmanqızı, Yasəmən Məmmədova, Cəfər Cəfərov, Xatirə Məmmədova, Nahid Cavanşir oğlu, Rəsul Mirhəşimli Həsən bəy Zərdabinin əsasını qoyduğu milli mətbuatımızın bugünki inkişafından söz açdılar, dövlət və ictimaiyyət səviyyəsində göstərilən diqqət və qayğıya görə təşəkkürlərini bildirdilər.
Azərbaycan Dövlət Pedeqoji Universitetinin müəllimi, rəssam Elçin Mayılov, Azərbaycan Dövlət Rəssamlıq Akademiyasının müəllimi, rəssam Zinaida Mirzəzadə, rəssamlar - Tofiqə Əliyeva, Gövhər Məmmədova, Günel İsmayılova, Əsmər Abdullazadə, Tamerlan Məmmədov, Səmayə Rzayeva İl boyu vətənpərvər fəaliyyətinə görə bir qrup media nümayəndələri ilə birgə mükafat və diplomlarla təltif olundular.
Həmçinin əməkdar artisti Səlim Abbasov vətənpərvərlik tədbirlərində iştirakına və solo konsertinə görə təltif olundu. Tədbirin bədii hissəsində Səlim Abbasov vətənpərvərvər ruhlu müsiqi nömrələri ilə çıxış etdi. Sonda xatirə fotoları çəkildi.