Быраһаай, күөх сайын барахсан. Вероника Степанова

Быраһаай, күөх сайын барахсан. Валерий Ноев тыллара уонна мелодията. Вероника Степанова толоруута. 1998 сыллаахха Туой Хайаҕа ырыа күрэһигэр, "Кубалар" диэн Сардаана Осипова репертуарыттан ырыаны толорон, Гран-при ылбыта.
Билигин Майаҕа олорор, үлэлиир, учуутал.
Видео: Тыыннаах Ырыалар    • Вероника Неустроева - Быраһаай, күөх ...  
Баяҥҥа доҕуһуол - Даниил Алексеев.

*****
Үөһэнэн ааһаллар турууктуу
Туруйалар.
Куруук күөх дойдуга көтөллөр,
Ыллыыллар:
«Быраһаай, күөх сайын барахсан,
Эһиил көрсүөххэ диэри».

Төрөөбүт маардарын үрдүнэн
Кырыйа көтө
Кырдьаҕас туруйа эппитэ
Кэриэһин:
«Баҕар, мин эргиллиэм суоҕа,
Быдан дьылга бырастыы!»

Арай уол туруйа аҕатын
Санаатын көтөҕөр:
«Суох, аҕаа, төннүөхпүт биһиги
Эргиллэн.
Быраһаай, күөх сайын барахсан!
Эһиил көрсүөххэ диэри».

Кэрэ саас эргиллиэ,
Кэлээриҥ,
Мин күүскэ кэтэһиэм,
Оччоҕо көрсүһүү ырыатын ыллыахпыт.
Ол кэрэ кэмҥэ дылы, этэҥҥэ
Эһиил көрсүөххэ диэри!
Быраһаай, күөх сайын барахсан,
Эһиил көрсүөххэ диэри!