Скачать или смотреть ရုပ်ရှင်တစ်ကားကြောင့် အမှုမှန်တွေပေါ်ကုန်တဲ့ သန်းကြွယ်သူဌေး Robert Durst - Murder Monday

အခြားလူမှုကွန်ယက်စာမျက်နှာများ

  / storybearsmm  
  / storybearsmm  
  / storybearsmm  
https://t.me/StoryBearsMM
   / @polarbearsdiary  

အားလုံးပဲ မင်္ဂလာပါခင်ဗျာ။ ကျွန်တော်တို့ရဲ့ Story Bears Channel ကနေပြန်လည်ကြိုဆိုလိုက်ပါတယ်။ တနင်္လာနေ့ မဟုတ်ပေမယ့်လည်း ပြီးခဲ့တဲ့ တစ်ပတ်က Murder Monday ရဲ့ အဆက် ဒုတိယပိုင်းကို ဆက်လက် တင်ဆက်ပေးသွားမှာပါ။

ရုပ်ရှင်ဇာတ်ကားတစ်ကားကို အကြောင်းပြုလို့ အမှုမှန်တွေပေါ်ကုန်တဲ့ သန်းကြွယ်သူဌေးကြီး Robert Durst ရဲ့ အကြောင်းနဲ့ ပတ်သက်ပြီးတော့ သူ့ရဲ့ဘဝအကြောင်းအရာတွေကို ပြောပြခဲ့ပါတယ်၊ ခြုံပြီးပြောရမယ်ဆိုရင် ကျိကျိတက်ချမ်းသာတဲ့ မိသားစုက ဆင်းသက်လာတဲ့ သူဌေးသားက ပစ္စည်းဥစ္စာ၊ အာဏာနဲ့ ဂုဏ်ရှိန်ကို သုံးပြီးတော့ သာမန်အရပ်သူအမျိုးသမီးတစ်ယောက်ဖြစ်တဲ့ ဇနီးဖြစ်သူကို နိုင်လိုမင်းထက်ပြုခဲ့တာလို့ပြောရင် ပိုမှန်မယ်။ ၁၉၈၂ ခုနှစ် ဇန်နဝါရီလထဲမှာ ဇနီးဖြစ်သူက ကွာရှင်းခွင့်တောင်းတဲ့အခါမှာ မကျေနပ်လို့ ဇနီးဖြစ်သူကို အပျောက်ရှင်းလိုက်တယ်လို့ယူဆရတဲ့ အခြေအနေမှာပေါ့လေ။ ဒါပေမယ့် သက်သေပြလို့မရတဲ့ အခြေအနေမှာ အမှုကဒီလိုနဲ့ အေးသွားတာ။

အဲ့လိုပြောလို့ Robert Durst ခေါ် Bob က လိမ်လိမ်မာမာနဲ့ အိမ်မှာပဲ အပိုးကျိုးသွားရမယ့်အစား ဒီလိုပဲ ဆက်ပြီး မူးယစ်ပျော်ပါးနေတဲ့အပြင် သူ့ကိုယ်ပိုင် မိသားစုကိုပါ ဒုက္ခမျိုးစုံပေးနေခဲ့တာ။ဒီလူနဲ့ သူ့အဖေက လုံးဝမတည့်သလို ၁၉၉၄ ခုနှစ်ထဲမှာ သူတို့မိသားစုအမွေကိစ္စမှာ သူ့အောက်က သူ့ညီကို မိသားစုစီးပွားရေးကို လွှဲပေးလိုက်တဲ့အခါ အဖေကိုသာမက မိသားစုတွေအကုန်လုံးကို စိတ်ဆိုးပြီး မိသားစုစီးပွားရေးမှာ ဝင်မပါတော့ဘူး။ ၁၉၉၉ - ၂၀၀၀ မှာ စုံထောက်တွေနဲ့ ရဲဌာနက သူ့အမျိုးသမီးပျောက်ဆုံးသွားတဲ့အမှုအကြောင်းကို ပြန်လည်စုံစမ်းဖို့စတင်တဲ့ အကြောင်း သတင်းပေါက်ကြားတော့ Bob တစ်ယောက် နယူးယောက်ကနေ အပျောက်လစ်ဖို့ ကြိုးစားတယ်ဆိုတဲ့အကြောင်းကို ကျွန်တော်တို့ ပြောခဲ့တယ်။

ရုပ်ရှင်တစ်ကားကြောင့် အမှုမှန်တွေပေါ်ခဲ့တဲ့ သူဌေးကြီးအကြောင်းဆို။ ဘယ်မလဲ ရုပ်ရှင်ဆိုတာကဆိုပြီး မေးကြမယ်ဆိုတာ သိပါတယ်။ ခဏစောင့် ခဏစောင့်။

သူကျူးလွန်ခဲ့တဲ့အမှုက သုံးခုတောင်ရှိတာလေ။ အခုက ပထမဆုံးတစ်ခုကိုပဲ ပြောရသေးတာ။ နှစ်ခုတောင် ကျန်သေးတယ်။ အဲ့ဒါတွေပြီးမှ ရုပ်ရှင်ရိုက်တာနဲ့ ဖမ်းမိတာတွေ လာမှာ။ အရှည်ကြီးကျန်သေးတယ်။ အဲ့တော့ အေးဆေးလေး ကော်ဖီဖျော်၊ လက်ဘက်ရည်ဖျော်ပြီး အေးဆေးလေးသောက်ပြီး နားထောင်၊ ဒါမှမဟုတ်လည်း အိပ်ရင်း နားထောင်။ အဆင်ပြေသလိုနားထောင်။ အိုခေ။

ကျွန်တော်တို့ အမှုအကြောင်းကို ဆက်လိုက်ကြရအောင်။

အဲ့ဒီတော့ Bob က နယူးယောက်မှာ သူနေလို့မဖြစ်တော့ဘူးဆိုတာ သဘောပေါက်လိုက်တယ်။ အဲ့ဒါနဲ့ နယူးယောက်ကနေ တိတ်တဆိတ်ခွာဖို့ ပြင်ဆင်တယ်။ အဲ့လို ပြင်ဆင်နေတုန်း သူလုပ်ခဲ့တာတစ်ခုက သူနဲ့ ရင်းနှီးတဲ့ အိမ်ခြံမြေပွဲစား အမျိုးသမီးတစ်ယောက်ဖြစ်တဲ့ Debrah Charatan ဆိုတဲ့အမျိုးသမီးကို လက်ထပ်လိုက်တာပဲဖြစ်တယ်။ ဒီအမျိုးသမီးက နောက်ပိုင်းမှာ တော်တော်အရေးပါလာမယ့်အမျိုးသမီး။ သူ့ကိုလည်း ခဏမှတ်ထားဦးနော်။ ပြီးတော့မှ သပ်သပ်ပြောပြမယ်။

Bob က Debrah နဲ့ ဒီဇင်ဘာ ၁၁ ရက်နေ့ ၂၀၀၀ ခုနှစ်မှာ နှစ်ယောက်သား အကျဉ်းချုံးလက်ထပ်ခဲ့ပြီးတော့ ဒီဇင်ဘာ ၁၂ ရက်နေ့မှာတော့ ခရီးထွက်သွားခဲ့ပါတယ်။ သူဘယ်သွားမယ်ဆိုတာကို Debrah ကိုတောင် ပြောမသွားခဲ့ဘူးလို့ဆိုပေမယ့် ဒါက နည်းနည်းတော့ သိပ်ယုံချင်စရာ မကောင်းပါဘူး။ ဒါပေမယ့် ထားပါ။

Bob အဲ့ဒီလို ပျောက်သွားတဲ့အခါ ရဲတွေက သူ့ကို ဆက်သွယ်လို့ မေးမြန်းလို့မရတော့ဘဲ ရှိတဲ့လူတွေကိုပဲ မေးမြန်းပြီး အမှုကို ပြန်လိုက်နေရပေမယ့် အမှုက ရှေ့မတိုးဘူးဖြစ်နေတာပေါ့လေ။ အဲ့ဒီအချိန်မှာ သူတို့ မေးခဲ့တဲ့သူတွေ တော်တော်များများက Bob ရဲ့ သူငယ်ချင်းအမျိုးသမီး Susan Berman ကို မဖြစ်မနေ စကားပြောကြည့်ဖို့ တိုက်တွန်းကြတာပေါ့။ ဒီအမျိုးသမီးက ၁၉၈၂ ခုနှစ်တုန်းက Kathie ပျောက်သွားတုန်းက အမှုနဲ့ ပတ်သက်တဲ့ကိစ္စတွေကို သတင်းထုတ်ပြန်ရေးလိုမျိုး လုပ်ခဲ့တဲ့သူပေါ့လေ။

သူကိုယ်တိုင်က ဂျာနယ်လစ်လဲဟုတ် စာရေးဆရာမဆိုလည်း ဟုတ်ဆိုတော့ ဒါက အပေါ်ယံကြည့်ရင်တော့ ယုတ္တိကျတယ်လို့ ထင်ချင်စရာပဲ။ သို့ပေမယ့် အဲ့ဒီ ၁၉၈၂ မှာတုန်းက Kathie နေမကောင်းလို့ ကျောင်းမလာနိုင်ပါဘူးဆိုပြီး ခွင့်တိုင်ခဲ့တဲ့အမျိုးသမီးဟာ Kathie မဟုတ်ဘဲ ဒီအမျိုးသမီးဖြစ်လိမ့်မယ်လို့ Kathie သူငယ်ချင်းတွေကရော လူတွေကရော ထင်ကြတာ။

ထင်ဆို ဒီအမျိုးသမီးနဲ့ Bob ရဲ့ ခင်မင်ရင်းနှီးမှုကလည်း တော်တော် နက်ရှိုင်းတာကိုး။ ဒီလိုနက်ရှိုင်းရတဲ့ အကြောင်းတရားကို ကျွန်တော်တို့ကြည့်ကြည့်မယ်ဆို တွေးစရာအချက်ကလေးတွေရှိတာပေါ့လေ။

သူတို့နှစ်ယောက်ရဲ့ ကျောထောက်နောက်ခံက တူတဲ့အပိုင်းတွေရှိသလို ကွဲတဲ့အပိုင်းတွေလည်း ရှိတယ်ပေါ့။ သို့သော် Susan အတွက်ကျတော့ Bob ဟာ ဘာနဲ့တူလဲဆိုတော့ အကာအကွယ် လမ်းကျောင်းပြဖို့ လိုအပ်နေတဲ့ လူတစ်ယောက်ပေါ့။ မနှိုင်းကောင်း နှိုင်းကောင်း၊ သူ့စိတ်ထဲမှာ သူ့အဖေနဲ့ သူ့အမေနေရာမှာ Bob နဲ့ သူနဲ့ကို မြင်နေသလိုမျိုးပုံစံမျိုးရှိတယ်ဆိုပြီးတော့ ပြောလို့ရတဲ့အခြေအနေပေါ့လေ။ Bob က ငွေကြေးချမ်းသာတော့ လုပ်ချင်ရာလုပ်တယ်။ အဲ့ဒီနောက်မှာ လိုက်ရှင်းပေးရမယ့်သူက ကျွန်မ Susan ပါပေါ့။ လိင်မှုရေးရာ ချစ်မှုရေးရာ မပါဘဲနဲ့ သူတို့နှစ်ယောက်ရဲ့ ခင်မင်မှုအတိုင်းအတာက တော်တော်ကို တာသွားတယ်ပေါ့။
အဲ့ဒီအတွက်ကြောင့်လည်းပဲ Kathie တစ်ယောက်ပျောက်သွားတဲ့ 1982 ခုနှစ်မှာ သူက သတင်းစာနယ်ဇင်းတွေကို ကိုင်တွယ်ခဲ့တာ။ Bob က ငွေရှိတယ်။ သူက လည်လည်ဝယ်ဝယ်ရှိတယ်။ ပါးနပ်တယ်။ စကားပြောတတ်တယ်။ ပေါင်းသင်းဝင်ဆံ့တယ် အဲ့ဒီအတွက် သတင်းစာနယ်ဇင်းကနေတဆင့် Kathie ပျောက်သွားတဲ့ကိစ္စမှာ သူတို့လိုသလို ပုံဖော်နိုင်ခဲ့တယ်ပေါ့လေ။
Kathie ပျောက်သွားပြီးတဲ့နောက်ပိုင်းမှာ ရေပေါ်ဆီအသိုင်းအဝိုင်းနဲ့ ဖျော်ဖြေရေးလောကထဲက လူတွေရဲ့ အတင်းအဖျင်း အတွင်းသတင်းတွေကို သီးသန့်ရေးတဲ့ Albert Goldman ဆိုတဲ့ လူတစ်ယောက်ဆီကို Susan က ဖုန်းဆက်ခဲ့တယ်။


#StoryBears #PolarBear #StoryBearsMM #Myanmar #TrueCrime #မှုခင်း #ဖြစ်ရပ်မှန်