Скачать или смотреть ရက်စက်တဲ့ သမိုင်းကြောင်းနဲ့ ခြောက်လှန့်မှုကြမ်းတဲ့ Jomon ရထားလှိုဏ်ဥမင် - Scary Sunday

လူတစ်ယောက်ဟာ ဟော့ကိုင်းဒိုးကို ကျော်ဖြတ်ပြီးမှ သွားရမယ့် ညရထားကို စီးပြီးတော့ ခရီးထွက်လာခဲ့ပါတယ်။ အဲ့လိုနဲ့ ရထားက Jomon လိုဏ်ဥမင်နားကိုရောက်လာတဲ့အခါမှာ ရုတ်တရက် ဝီစီမှုတ်သံကို သူကြားလိုက်ရတယ် ဘယ်က လာတာပါလိမ့်
ရထားသံလမ်းပေါ်မှာ အကောင်တစ်ကောင်ကောင် ရှိနေလို့များလား ပေါ့
ဒါပေမယ့် ရထားက လိုဏ်ဥမင်ခေါင်းထဲကို ဝင်လာတဲ့အထိ ဒီ ဝီစီသံကို သူဆက်ကြားနေရတုန်းပဲ။ အဲ့ဒါနဲ့ အဲ့ဒီ ဝီစီသံကို လျစ်လျူရှုပြီးတော့ စောင်ကို ခေါင်းမြီးခြုံအိပ်ပြီးတော့ ဆက်အိပ်ဖို့ လုပ်လိုက်တယ်။ အဲ့ဒီအချိန်မှာ သူ့ရဲ့ ရထားအိပ်စင်အခန်းတံခါးရှေ့ကနေ တစ်ယောက်ယောက် ဖြတ်လျှောက်သွားတယ်လို့ သူ ခံစားလိုက်ရတယ်။ ဒီလို ညနက်သန်းခေါင်အချိန်ကြီးမှာ ဘယ်သူက လျှောက်သွားနေတာလဲ။ စပ်စုကြည့်ချင်စိတ်က တားမရဘူးတဲ့။ အဲ့ဒါနဲ့ စိတ်လှုပ်ရှားစွာနဲ့ပဲ တံခါးဝဆီကို လှမ်းလိုက်တယ်။ ဒါပေမယ့် တံခါးကို ဖွင့်ကြည့်ဖို့ကျတော့လည်း မရဲပြန်ဘူး။ အဲ့ဒါနဲ့ တံခါးမှာတပ်ထားတဲ့ မှန်ကူကွက်ကနေ ချောင်းကြည့်ဖို့ ဆုံးဖြတ်လိုက်တယ်။ အဲ့ဒါနဲ့ ချောင်းကြည့်လိုက်တဲ့အခါမှာတော့ အပြင်မှာ မြင်လိုက်ရတာက လူမဟုတ်ဘဲနဲ့ အရိပ်မည်းမည်းကြီး တစ်ခု ဖြစ်နေတယ်တဲ့။
လူမဟုတ်ဘဲနဲ့ လူပုံပန်းသဏ္ဍာန်နဲ့ အရိပ်မည်းမည်းမည်းကြီးတစ်ခု ဖြစ်နေတယ်။ ဒါပေမယ့် ပိန်းပိတ်အောင် မှောင်မည်းနေတဲ့ အရိပ်မျိုးလည်းမဟုတ်ဘဲနဲ့ သူ့ကို ထွင်းဖောက်ပြီးတော့ တစ်ဘက်နံရံကိုလည်း မြင်နေရတယ်တဲ့။ အဲ့လိုနဲ့ ကြည့်နေတုန်းမှာပဲ အဲ့ဒီအရိပ်မည်းက မျက်စိအောက်ကနေ ဖျတ်ခနဲ ပျောက်ကွယ်သွားခဲ့တယ်။
ဝုန်းဆို သူ့အခန်းတံခါးကို ဖွင့်ပြီးတော့ ခဏက သူတွေ့ခဲ့တဲ့ အရိပ်မည်းကြီး ဘယ်ရောက်သွားခဲ့လည်း သူ ဘယ်ညာ ဘေးဘီ လိုက်ရှာကြည့်လိုက်တယ်။ လုံးဝ မတွေ့တော့ဘူး။ သူ ကြက်သီးတွေ တဖြန်းဖြန်း ထသွားတယ်။ ဒါသေချာတယ်။ နာနာဘာဝတစ်ကောင်ပဲဆိုတာ။
အဲ့ဒါနဲ့ သူ ခဏက အရိပ်မည်းကြီးကို နောက်ဆုံး မြင်ခဲ့ရတဲ့ နေရာနားကို မဝံ့မရ လျှောက်သွားကြည့်လိုက်တယ်။ အဲ့ဒီအနားမှာ စိုစွတ်စွတ် ခြေရာရိပ်နှစ်ခုက အထင်းသားပဲ။ ကြောက်စိတ်နဲ့အတူ စပ်စုချင်စိတ်က တားမရဘူး။ ဒီခြေရာတွေက ဘာတွေလဲ သိချင်နေတော့ သူ့ကိုယ့်သူ ကွေးချလိုက်ပြီး အဲ့ခြေရာနှစ်ခုကို သူ့လက်နှစ် ဘတ်ဆို ပွတ်ကြည့်လိုက်တယ်။
အဲ့ဒီအချိန်မှာပဲ သူနဲ့ မျက်နှာချင်းဆိုင် ဘက်ကနေ ရထားဝန်ထမ်းတစ်ယောက် ပေါ်လာတာကို သူ့မျက်စိထောင့်ကနေ မြင်ဖြစ်အောင် မြင်လိုက်တယ်။ ဒီတစ်ယောက်ကတော့ အရိပ်မဟုတ်ဘဲ လူဆိုတာ သေချာ ကောင်းလောက်ပါရဲ့။
အဲ့ဒီ ရထားဝန်ထမ်းကလည်း သူ့ကို မြင်တော့ ရပ်ပြီးတော့ သူ့ကို မေးလိုက်တယ်။ ခင်ဗျား ခဏက အရိပ်မည်းကြီးကို မြင်လိုက်တယ်မဟုတ်လား တဲ့။ ရထားဝန်ထမ်းနဲ့ သူနဲ့ အကြည့်ချင်းဆုံသွားတယ်။ ပြီးတော့ သူ သူ့လက်ကို ပြန်ကြည့်မိလိုက်တယ်။ သူ့လက်မှာ ပေနေတာတွေက ရေမဟုတ်ဘဲ သွေးတွေ
Introduction
ဒီကနေ့ ကျွန်တော်တို့ရဲ့ ချန်နယ်ရဲ့ Scary Sunday အစီအစဉ်ကနေပြီးတော့ ဂျပန်နိုင်ငံမှာ အရမ်းကိုမှ သရဲ ခြောက်တယ်လို့ နာမည်ကြီးတဲ့ Jomom ရထားလိုဏ်ဥမင်အကြောင်းကို ပြောပြချင်ပါတယ်။ ဂျပန်နိုင်ငံမှာ သရဲ တစ္ဆေ ခြောက်လှန့်မှုတွေ ကြောင့် နာမည်ကြီးတဲ့ လိုဏ်ဥမင်တွေ အများကြီး ရှိပါတယ်။ တချို့ လိုဏ်ဂူဥမင်တွေက ခြောက်လှန့်မှု ဆိုးဝါးလွန်းတဲ့အတွက်ကြောင့် အသုံးပြုတာမျိုး မရှိတော့ဘဲ ပိတ်ပြစ်လိုက်ရတာတွေတောင် ရှိပါတယ်။ ဒါပေမယ့် တချို့ လိုဏ်ဂူ ဥမင်တွေကတော့ ဆက်လက်အသုံးပြုနေကြရဆဲ ဖြစ်ပါတယ်။
အဲ့လို အသုံးပြုနေရဆဲ ဥမင်တွေထဲက ဒီကနေ့ ပြောပြမယ့် Jomon ဥမင်ကလည်း အပါအဝင် ဖြစ်ပါတယ်။ ဒီ လိုဏ်ဂူဥမင် တည်ရှိရာ နေရာက ဟော့ကိုင်းဒိုးပြည်နယ်၊ ကီတာမီမြို့နယ်အတွင်းက ရူဘေးရှီးဘေးမြို့နဲ့ ကာနေဟာန ဒေသမှာ တည်ရှိတာ ဖြစ်ပါတယ်။ ဂျပန်မီးရထားလုပ်ငန်း JR ရဲ့ ကီတာမီမြို့နယ်၊ ဟော့ကိုင်းဒိုး လမ်းအပိုင်းမှာ ရှိတာ ဖြစ်ပါတယ်။ နေရာအတိအကျကို ပြောရမယ်ဆိုရင် ဆေကီဟိုကုလိုင်းပေါ်က အီကုတာ ဟာရဘူတာနဲ့ နီရှိရူဘေးရှီးဘေးဘူတာကြားထဲမှာ တည်ရှိတဲ့ ဂျိုမွန်တောင်တန်း တစ်နေရာကို တူးဖောက်တည်ဆောက်ထားတာ ဖြစ်ပါတယ်။

Credit - Original Story @KowabanaJapan

   • Haunted Japan: Jomon Tunnel (Real Human Pi...  

https://www.kowabana.net/2019/05/25/j...