Скачать или смотреть Կանաչ վերափոխումը Սյունիքում. նախադրյալներ և հնարավորություններ

Սյունիքի մարզը Հայաստանի հարավային դարպասն է՝ հարուստ պատմությամբ և եզակի գեղեցկությամբ՝ վեհաշուք լեռնաշղթաներով, խորը կիրճերով, անտառածածկ տարածքներով, կենսաբազմազանությամբ։ Սյունիքը հարուստ է նաև օգտակար հանածոներով։

Այստեղ դեռ խորհրդային տարիներից շահագործվում են մետաղական և ոչ մետաղական հանքեր։ Քաջարանի պղնձամոլիբդենային, Շահումյանի ոսկի բազմամետաղային, Ագարակի պղնձամոլիբդենային հանքավայրերի հանքաքարերից Զանգեզուրի պղնձամոլիբդենային, Կապանի լեռնահարստացման, Ագարակի պղնձամոլիբդենային կոմբինատներում արտադրում են խտանյութեր և խտահանքեր։

Այս կոմբինատներն աշխատատեղերով են ապահովում Սյունիքի մի շարք բնակավայրերի բնակիչների, իրականացնում համայնքների սոցիալ-տնտեսական զարգացմանն ուղղված ծրագրեր։ Սակայն հանքարդյունաբերական գործունեությունը առաջացնում է նաև բացասական ազդեցություն․ հանքարդյունաբերական ենթակառուցվածքների շրջակա բնությունը՝ հողը, ջուրն աղտոտված են ծանր մետաղներով։

Խնդիրների վերհանման, հանքարդյունաբերությանն ազդակիր համայնքների էկոլոգիական վիճակի բարելավման, համայնքների այլընտրանքային զարգացման, կանաչ վերափոխման վերաբերյալ առաջարկների հավաքագրման համար Չեխական Առնիկա կազմակերպությունը, «Համայնքային համախմբման և աջակցություն կենտրոն»-ը քննարկումներ են կազմակերպել Կապանում և Մեղրիիում։