Скачать или смотреть AWEKA DEGREE PEMBENI, NA KUANZISHA BIASHARA YA KUCHOMA MAHINDI - TABORA

Baadhi ya vijana mkoani Tabora wamechagua njia ya kujiajiri baada ya kuhitimu masomo katika ngazi mbalimbali za elimu, kwa kuanzisha biashara ya kuchoma mahindi ili kujipatia kipato cha kujikimu kimaisha.

Akizungumza na waandishi wa habari, Hassan Rajabu, kijana aliyehitimu Shahada, amesema kuwa baada ya kumaliza masomo yake aliamua kuungana na wenzake kuanzisha biashara hiyo badala ya kusubiri ajira rasmi.

"Amesema hatua hiyo imelenga kuwafanya waweze kujitegemea na kujiepusha na vishawishi vya kujiingiza katika makundi yasiyofaa kutokana na ukosefu wa ajira"

Kwa upande wake, Iddy amewahimiza vijana wanaohitimu vyuo kuacha mtazamo wa kusubiri kuajiriwa Serikalini pekee, na badala yake wafikirie namna ya kujiajiri na kubuni fursa zitakazowawezesha kupata kipato halali na endelevu.

Naye Iddy Ramadhan Waziri amepinga dhana potofu kwamba biashara ya kuuza au kuchoma mahindi ni kazi inayofaa kufanywa na wanawake pekee. Amesisitiza kuwa kazi yoyote halali haina jinsia, na kwamba fikra hizo hazina nafasi katika jamii ya sasa.

Ameongeza kuwa hata Tanzania inaongozwa na Rais mwanamke, Samia Suluhu Hassan, jambo linaloonesha kuwa hakuna mipaka ya kijinsia katika uongozi na shughuli za kiuchumi.