Скачать или смотреть VIJANA WAWAJIBIKE KUWATUNZA WAZEE

Afisa Ustawi wa Jamii wa Makazi ya Wazee na Wasiojiweza katika Kata ya Ipuli, mkoani Tabora, Ediner Daud Haule, amesema ni wajibu wa vijana kuwatunza wazee wao kwa utu, heshima na upendo, kama ambavyo wazee hao waliwalea na kuwahudumia wakiwa wadogo, ili kuepusha hali ya wazee kuwa mzigo kwa jamii.

Akizungumza Machi 5, 2026 katika kipindi cha Kifungua Kinywa hapa UFR, Ediner amesisitiza umuhimu wa jamii kushiriki kikamilifu katika kuwahudumia wazee. Amebainisha kuwa baadhi ya changamoto kubwa zinazowakabili wazee ni pamoja na kukosa ulinzi wa haki zao, kutoshirikishwa kikamilifu katika masuala ya kisiasa pamoja na shughuli mbalimbali za kijamii.

Kwa upande wake, Afisa Mfawidhi wa Makazi ya Wazee na Wasiojiweza Kata ya Ipuli, Pendo Chiryamkubi, amewahimiza wakazi wa Tabora na maeneo ya jirani kujenga utamaduni wa kuwatembelea wazee hao ili kuwafariji na kuwapa moyo.

Aidha, ametoa wito kwa jamii kutoa taarifa kwa mamlaka husika pindi wanapobaini mzee anayepitia vitendo vya unyanyasaji ili hatua stahiki ziweze kuchukuliwa mapema.

📻 Sikiliza Uyui FM Radio popote ulipo duniani, bofya kiungo (link) kwenye bio yetu.

#2026Fanikisha #tunasambazaunyamwezi #Fanikisha #radioyetusautiyetu