Ermənilər rus pasportu ilə Xankəndiyə yerləşmək istəyir?

Həftənin ən səs-küylü xəbəri. Rusiya Xankəndidə baş konsulluq açmaq istəyir. Bu xəbəri eşidəndə düşündüm ki, rus hərbçiləri yeni yola salmışdıq ki. İndi də diplomatları gəlir? Deyəsən, ruslar Xankəndidən çıxmaqlarına peşman olublar. Moskvanın niyyətini açıqlayan Rusiya Federasiya Şurasının komitə sədri Qriqori Karasin idi. Azərbaycanlı deputatlarla görüşdə açıq bəyan etdi ki, Xankəndidə yuva salmaq istəyirlər. Karasin rəsmi şəxs deyil, senatordur. Yəni Kremlin mövqeyini əks etdirmir. Amma hər halda sözü havaya da demir. Keçmiş diplomat, hazırkı senatorun ağzından çıxan cümlə yüz ölçülüb, bir biçilmiş sayılır. Kreml yəqin ki, Karasin vasitəsilə Bakının nəbzini yoxlayır. Rəsmi Bakı bununla bağlı mövqe bildirməyib. Hər halda Karasinin dedikləri ciddi qəbul edilməyib. Amma bunun Azərbaycan cəmiyyətində yaratdığı rezonansdan yəqin ki, Moskva hər şeyi anlayıb. Maraqlıdır, niyə Xankəndi? Niyə Gəncə yox, Naxçıvan yox, məhz Xankəndi? Məlumdur ki, Bakıda İranın, Gəncədə və Naxçıvanda Türkiyənin baş konsulluqları var. Türkiyə Şuşada baş konsulluq açmaq niyyətini hələ 3 il əvvəl bəyan edib. Çünki iki ölkə arasında Şuşa bəyannaməsi var. Qarabağda Türkiyə vətəndaşları da yaşayır və işləyirlər. Bəs rusları Xankəndiyə gətirmək istəyən səbəb nədir? Hansı zəruurət, hansı arqument? Azərbaycanda Rusiya konsulluğunun açılmasına ehtiyac varmı? Ümumiyyətlə, bir ölkə digərində niyə konsulluq açır? Suallar çoxdur. Karasin bu açıqlamanı mayın 27-də, Azərbaycanın müstəqillik günü ərəfəsində verdi. Yəni çar Rusiyasından qurtulduğumuzu qeyd etdiyimiz gün. 104 il əvvəl Azərbaycanın müstəqilliyini əlindən alan bir ölkənin diplomatlarını azərbaycanlılar Xankəndidə görmək istəyirmi? Əsas sual budur.


Bizi İzləyin:
Whatsapp: https://whatsapp.com/channel/0029Va8Q...
Facebook:   / ictimai.tv  
Instagram:   / ictimaitv.official  
Teleqram: https://t.me/tvictimai
Sayt: https://itv.az/

Copyright © İCTİMAİ TV

#itv #ictimaitv #video #televiziya #baku #videolar #sondakika #video #gündem #news #sondeqiqe #sondəqiqə #gündem #news #keşfet