《中聲3》馬拉松式錄影 肥媽好伙食慰勞團隊

《中聲3》馬拉松式錄影 肥媽好伙食慰勞團隊

《中年好聲音3》香港賽區100強同新馬賽區、大灣區賽區各自20位入圍者出爐後，140位選手隨即投入節目錄影，《中年好聲音3之決戰新馬》會喺9月1號晚率先登場，有關注開中聲嘅朋友都知道，因為參加者眾多，每次節目錄影時間相當之長，雖然係咁，作為評審嘅肥媽每次都有精心安排豐富嘅伙食俾團隊們，佢地更不時喺社交平台分享「中年好伙食」，好似肥媽就拍片分享呢晚錄影嘅大餐，見到有即炒小菜到會之外，仲有熱㷫㷫嘅煲仔飯，評審周國豐更點出當中絶妙之處就係用加拿大臘腸製作用料講究。肥媽更話因為伙食太好，每期錄完中年好聲音，大家都會增磅。

而婉婉日前亦喺社交平台分享「中年好伙食」當日有北京烤鴨，各人仲有餅皮即場包黎食，望見都流口水。不過關心中聲賽程嘅網友當然留意到，一齊開餐嘅仲有星級歌唱老師曾路得，無錯啦長居加拿大嘅曾路得會擔任節目嘅嘉賓評審。

另外，作為評審嘅伍仲衡亦喺自己嘅社交平台透露香港賽區100強首輪嘅錄影經已結束，亦報告一下馬拉松式嘅錄影時長有辛苦：「完成兩日合共22小時的中年好聲音100強拍攝，攰到嘔茄! 部份參賽者更由下午等到凌晨一點才有得唱，真係要俾大力掌聲佢哋!」

#中年好聲音3 #中年好伙食 #肥媽 #伍仲衡 #車婉婉 #曾路得 #周國豐 #中聲3 #即炒小菜 #煲仔飯 #北京烤鴨 #加拿大臘腸 #馬拉松式錄影 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0