شيلة يارجل لو دجتي على الدار ما فاد كلمات الشاعر سويلم بن محفوظ القلادي أداء معيض الرشيدي

يارجل لو دجتي على الدار مافاد
مادامها دارن خذا الموت اهلها

وش عاد لو دجتي على الدار وش عاد
دارن خلا ماجاوبت من سألها

لو انها دارن للاباء والاجداد
تقول مابه منهم الي نزلها

ناسن ببطن الارض في وسط الالحاد
الله يرحمها ويحسن عملها

ولو اتوجد مايفيد التوجاد
يالله ياربي بخير تعدلها

والادمي ماله بدنياه مقعاد
ولافيه نفس الا يوافيها اجلها

والي خلقنا الله وحنا له عباد
والنفس تكسب ذنبها من جهلها

وترى عن المبغض تعزيك الا بعاد
المبغضين اقطع رجاها واملها

مابقربة المبغض وناسه ولا سعاد
ولاخلقت لرضى هالنفوس وزعلها

ولوجيه خلق الله لاتصير عباد
لاصار عندك كلمة الحق قلها

والي يهم القلب ويغث الاكباد
ناسن ماتقطع غير بالي وصلها

تحكي بالغايب وتشمت بالاجواد
ولاينعرف وش قصدها من حولها

لاعل مامنهم على الدار رواد
الله يقلعها وعنى يعزلها

ويالله يارافع سماها بلا عماد
ومرسين فوق البسيطه جبلها

يالي علينا نعمتك مالها اعداد
عسى تطيب نفوسنا من عللها

والوقت ماخلد ثمودن ولاعاد
مخلدين فعول محدن فعلها

والعمر ماينقص بوقته ولايزاد
ونهاية الاعمار كلن يصلها