ဗောဓိပင်နဲ့ရွှေပလ္လင် တေးရေး - ရွှေတိုင်ညွန့် တေးဆို - ဝင်းဦး မူရင်းဆို-မကြည်အောင်

ဗောဓိပင်နှင့်ရွှေပလ္လင်
🙏🙏🙏🙏🙏🙏
ရေး- ရွှေတိုင်ညွန့်
မူရင်းဆို-မကြည်အောင်
ယခုဆို - ဝင်းဦး

မဟာဗောဓိပင်နဲ့ တစ်လံကွာပါသည် ....
စကြာဝဠာငြိမ်သက်.၍ မြက်ရှစ်ဆုပ် ကျဲတော်မူလေသည် ...
တစ်ဆယ်နဲ့လေးတောင် ကျယ်ဝန်းပါသတဲ့
ပလ္လင်တော်ပေါ်ထွန်းလာခဲ့သည် ...
ဘုရားမဖြစ်သမျှ ငါမထဟု
လုံ့လဥဿဟ စုံအညီ ....🎵
ဗောဓိပင်ရွှေပလ္လင်ထက်ဝယ်
ထက်ဝယ်ဖွဲ့ခွေနေတော်မူလေသည် ...🎶

(ဘဂဝါဇိနအရှင်သည် တဏှာရှိသမျှ စင်တော်မူပြီ
အပရာဇိတပလ္လင်ကိုတဲ့ အောင်မြင်တော်မူသည်)၂
ရပြီရပြီ ဝဿဝတီအထက်ဆီက
အဓမ္မချီတက်ပါလို့ လက်နက်တွေကိုယ်စီ
စစ်သည်များစွာ အထင်အလင်းစုပါလို့
ပလ္လင်ကိုအတင်းလုမလို့တဲ့ ဗိုလ်ထုနဲ့ကြံစည်
တကယ်ပဲမကြောက်သည် အပါယ်ငရဲရောက်မည်
မှားလိုက်တဲ့မာရ်နတ်သည် ဘဂဝါမြတ်ကိုသတ်ဖို့သူကြံစည် ..

(အထက်ဘဝဂ်မှာစုံညီ မာန်ဟုန်ချီ
အောက်နရက်ပါ မကျန်ပြီ ဖန်လာသည်)၂
မာရ်နတ်မင်းမှာ စက်ဘုန်းရောင်လှည့်လည်
သူ့ကိုယ်မှာပင် လက်ရုံးတစ်ထောင်ရှိသည်တဲ့
မာရ်နတ်မင်းမှာ စက်ဘုန်းရောင်လှည့်လည်
သူ့ကိုယ်မှာပင် လက်ရုံးတစ်ထောင်ရှိသည်
မြတ်ဘုရားကို အသက်ဆုံးအောင် ဖိမလို့တဲ့ ရှိသမျှ သတ္တဝါတွေအားလုံးစုသည်
ကျွန်တော်တို့ဘုရားကို အသက်ဆုံးအောင် ဖိမလို့တဲ့ ရှိသမျှ
သတ္တဝါတွေအားလုံးစုသည် သူ့ကိုယ်သူ လောကမှာဘုရားလို့
မတရားကြွေးကြော်သည်
စောဘဂဝါ့အနားမှာ ဒေါသတွေပွားလို့နေပြီ ..

(မာရ်နတ်သားကို တရားနဲ့အညီ
မြတ်စွာဘုရားက မိန့်မြွက်ကာကြားသည်
ဂေါတမမြတ်စွာဘုရားက မိန့်မြွက်ကာကြားသည်)၂

(သောဘဂဝ ဘဂဝါ ကေဝလံပစေတော့လို့
ဝေဿန္တရာဘဝရယ်က ဒါနပါရမီ)၂
သမီး၊ သားမယားကိုလှူစဉ်ချိန်ခါမီ
ဘူမြေနှစ်လွှာ အသိမဟုတ်သလောဟု
ဝိသုဒ္ဓေါ ဓမ္မခံအခြေလှစ်လိုက်ပြန်တော့
မာရ်ယစ်တဲ့ ရန်စစ်တွေသည်
ဆံညှစ်ရေကြောမှာမျောလေသည် ..

ဝဠာတစ်သောင်း ..ဗြဟ္မာအပေါင်း..
အောင်ကြောင်းကိုအမှန်
ကြွေးကြော်ကြပြန်လေသည်..
ဗုဒ္ဓဘဂဝါအရှင်ဘုရား..
စတုတ္ထဈာန်ဝင်စား..
ဗုဒ္ဓဘဂဝါအရှင်ဘုရား..
စတုတ္ထဈာန်ဝင်စား..
ပုဗ္ဗေနိဝါသခေါ်ရွှေဉာဏ်ဓမ္မကိုလ
ဧကန်ရပါတဲ့ ညဉ့်ဦးယံအချိန်ခါမီ
ဒိဗ္ဗစက္ခုဉာဏ်ကို မှန်းဆောင်ပြန်သပ
သန်းခေါင်ယံအချိန်ကျတော့ ရတော်မူလေသည်
ပရမေအရှင် ဆင်ခြင်ကာပွား
တရားတော်များထင်ရှားသိပြီ
အလုံးစုံမယွင်း အကြွင်းလည်းမရှိပြီ
ပရမေအရှင် ဆင်ခြင်ကာပွား .....
တရားတော်များထင်ရှားသိပြီ
အလုံးစုံမယွင်း အကြွင်းလည်းမရှိပြီ

ဝိသာခါနက္ခတ်နဲ့အညီ
ရက်မြတ်တဲ့ချိန်ခါမီ ဘုရားအဖြစ်ကို
ဧကန်စင်စစ်ရတော်မူလေသည်။