Cap-Haitien Vlog: Jounen nan yon plaj ke anpil moun pa konnen😉

Okap se yon vil Ayiti ki bò lanmè , li gen anpil plaj , anpil moun vini nan vil la pou ale nan plaj li yo. Genyen plaj ki pi pre vil la ke lòt , sila ki pi aksesib , mwens chè, sila ke plis moun konnen ak frekante ke lòt. Konsa tou gen jou ke plaj yo gen plis moun pase lòt. Si w vle trankil ak alèz sou plaj la, ale yon jou nan semèn nan e ki pa ferye.

Plaj nou te ale ladan l , dimanch lan rele Gerzon , li twouve l sou "côte Labadie" a, nan mitan Belly Beach ak Dalhoo Beach . Nou te pran bato pou ale ladan l , li anviwon 10 minit apre estasyon bato a. Li se yonn nan plaj sa yo ke anpil moun pa konnen ni abitye ale ladan l. Gerzon pa yon plaj ki amenaje , ou dwe mache ak tout sa w ap bezwen lè w prale la : Twal/chèz pou chita , bwason, dlo pou rense kò w, mizik, jwèt pou pase tan an . Pou manje , depann de jou a , ou ka jwenn pechè k ap vann pwason , krab , langoust ke yo sot peche , ou achte l epi yo tou prepare l pou ou men li p ap gen akonpanyeman(bannan , diri). Ou ka soti ak manje w depi lavil la , oswa achte pwason nan bak fritay anvan ou pran bato, konsa tou ou ka achte manje Belly Beach ki akote a gen yon eskalye ki pèmèt ou ale ladan l pandan ou Gerzon. Espas la bèl ak pezib , e ka fè bon piknik. Men se pa yonn nan plaj ke li pa fin agreyab pou benyen ladan l ke anpil "algues" anba lanmè a.

Mèsi paske w te pran tan gade videyo a , sonje abone a li si w renmen kontni konsa , pataje l ak moun ou konnen li ka enterese , moun ou te panse a yo pandan ou t ap gade l. Pa ezite poze m kesyon ki gen rapò ak sa ou sot gade , tande , li la.

✒︎IG: Sikkrem

Kòmante ''💙" si w li tout deskripsyon an .