張國榮逝世20年｜黎明Kelly獻唱金曲許志安終再踏舞台

張國榮逝世20年｜黎明Kelly獻唱金曲許志安終再踏舞台

4月1號係一代巨星 張國榮 離世20周年，香港有多個唔同展覽同紀念音樂會舉行悼念，其中喺會展舉行嘅紀念音樂會，就分別有 黎明 陳慧琳 梁詠琪 梁漢文 許志安 蘇永康 AGA 炎明熹 曾比特 任暟晴 XiX 林德信 等先後現身獻唱多首張國榮經典歌曲喇。

打頭陣出場嘅Leon一口氣連唱《當年情》、《明星》同《為你鍾情》三首哥哥經典歌曲，而Gigi則緊接以短裙騷長腿現身大唱另一味道嘅《側面》 。至於年前因為「安心事件」之後一直沉寂嘅 許志安 ，呢日亦藉紀念演唱會終於回歸舞台，獻唱《追》嘅佢表現平穩淡定。

同安仔並肩多年，近年專注喺內地發展嘅 梁漢文 同 蘇永康 亦都先後登場，梁柄仲喺台上分享當年同哥哥一齊拍攝《金枝玉業2》時嘅一件小故事，令佢印象深刻到不得了，仲令台下笑聲四起呀。之後佢哋三人又一齊合唱《左右手》。

近日推出新歌嘅Kelly就指遺憾當年未有機會同哥哥合唱，而一班後起之秀呢日亦都有機會上台向哥哥致敬，Gigi炎明熹就以《路過蜻蜓》表演，又同Mike合唱《緣份》。不過事後Gigi就話自己唱錯歌詞而稍有遺憾喇。

Jasmine任暟晴雖然帶病上陣，不過一首《怪你過份美麗》依然有不俗表現，大病初癒嘅佢仲去針灸等自己開聲可以演唱呀。而同樣《聱夢2》出身嘅 XiX呢晚就又唱又跳《Miss You Much》，仲話覺得非常榮幸呀。呢晚嘅音樂會由 AGA 壓軸出場，獻唱《有心人》向哥哥致敬。

除咗兩大音樂會之外，有歌迷就喺文化中心外舉辦紀念活動，當中仲包括中港日韓嘅歌迷代表，佢哋又喺現場致辭訴說對偶像嘅思念。

而位於中環哥哥輕生嘅酒店外，亦一如既往有唔少歌迷獻花，今年現場更有一棵排滿姐白兩色紙鶴樹，又有人喺現場用色士風吹奏哥哥作品，亦有歌迷喺6點43分哥哥離世時分一刻，打開手機燈光默哀。

#張國榮 #紀念演唱會 #黎明 #梁詠琪 #許志安 #梁漢文 #蘇永康 #陳慧琳 #炎明熹 #曾比特 #任暟晴 #XiX #AGA #文化中心 #歌迷代表 #酒店
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0