Скачать или смотреть Sviri Pile | Hrana i Vino MKD

СВИРИ ПИЛЕ

2 црвени конзервирани пиперки
8-10 суви лути везени пиперки
1 корен од пашканат
2 моркова
2 главици кромид
магдонос
1 филџан ориз
2 лажици брашно
3 чешниња лук
ловорови листови
масло за јадење
сол и црн пипер

Потребно време за подготовка на ова предјадење е 60- тина минути.

На сувите пиперки им ги отсекуваме рачките и ги сечкаме на парчиња. Морковите, конзервираните пиперки и коренот од пашканат ги сечкаме на коцки. Кромидот и магдоносот ситно ги сечкаме. Чешнињата лук ги сечкаме на парчиња. Во тенџере на оган налеваме еден литар вода. Во водата ги додаваме исечканите суви пиперки, кромидот, морковите, пашканатот, конзервираните пиперки, ловоровите листови, лукот и магдоносот. Послуваме, наросуваме мелен црн пипер и промешуваме. Го покриваме тенџерето со капак и оставаме зеленчукот да се вари 30- тина минути. Потоа во тенџерето го додаваме оризот.
Во тава на оган со загреано масло го ставаме брашното да се пржи. Мешаме со лажица за време на пржењето. Ја тргаме тавата од оган. Непрекинато мешајќи со лажица во тенџерето ја додаваме запршката. По 10 - тина минути го тргаме тенџерето од оган. Со црпалка вадиме од содржината од тенџерето и ставаме во чорбалак. Украсуваме со гранче магдонос на средината на Свири пилето.

Со ова предјадење ви предлагаме да се напиете квалитено суво бело вино Траминец со златно-жолта боја. Се одликува со нагласен мускатен мирис од мешавина на цветови, зачини и овошје. Вкусот во потполност ја следи аромата, а по вкусот е мек и долготраен.

Добар апетит.

www.hranaivino.com.mk
www.hranaivino.tv

Subscribe for upcoming recipes:
   / @hranaivinomkd  
Follow us:
Facebook:   / hranaivino