Скачать или смотреть ال سويلم المنادية | كلمات سعد بن شفلوت | اداء فهد بن فصلا

الكلمات
.
.
.

ماتجيك البيوت النادره و الجزيله
لين تطرد وراها كل فكره نسمها

ياهجوسي وانا خابرك مافيك حيله
قدم اللي تجمل لحيتك وتحشمها

سالفتنا مع حبك القصايد طويله
جفّت اقلام كل اوراقي الا قلمها

تقدر تجيب عصما فارقه كل ليله
واقدر اقول صح لسانك اللي نضمها

لاتقلط على الحفل المشرف هزيله
قلط اللي لمنه سمعها ماظلمها

ماقف الوافي اكبر من قصيده وشيله
من غلاه القصيده مابغيت اختمها

ياسويلم كلام الصدق مابه مثيله
اسمعه واسلتم جزل البيوت استلمها

لا دعتني مواجيب الرجال الثقيله
ماتعذرت عنها من كثر ما احترمها

كيف لو كان من دمي ونفس الفصيله
والله اني مخلي فرصةٍ ما اغتنمها

دون ربعي حرام الدم ما اذخر وسيله
لو تبي دمي ارخصته على شان دمها

المعاذير في شان القبيله فشيله
لعنبا لحية اللي لابته ماخدمها

ادري ان كل حملٍ له بعيرٍ يشيله
والقضايا لها ناس كبار تخزمها

وادري انه يجي فالوقت عيله وميله
والمقادير مايخطي النشاما سهمها

فيك يامفلح اشوف المشاعر بخيله
ودها بالجماله والظروف تحكمها

يكرم اللي سواتك عن دروب الرذيله
لو تقول العواذل شي صكيت فمها

اتهناك السلامه والحياه الجميله
عقب بلوى كبيره ربك اللي قسمها

شوفتك تشفي جروح الكبود العليله
والمعازيم جعله يسلم اللي عزمها

من تعشم بنا فالحاجة المستحيله
مانخيب رجاه وما نخيب عشمها

والرفيق السنافي ماندور بديله
كل ماهودت نار الحمايا شعمها

((بيض الله وجيه الربع شيخ وقبيله
جعلني ماعدمها جعلني ماعدمها)) تكرار

لابةٍ فكوا المسجون واخلوا سبيله
يوم ضاقت به الدنيا وقام وزهمها

((من عيال المنيدي عزوته فالدبيله
والله ان يكسر جموع العدو ويهزمها)) تكرار

يعتبرنا سيوف في يمينه صقيله
مايخلي الرجال توقف الا شيمها

والخساره لو انها من دمانا قليله
من وفا ربعنا ال سويلم ومن كرمها

يستوي المدح في هادي وهو يستويله
الشجاعه بناها والرخامه هدمها

يكرم ضيوفه وجاره ويمن دخيله
والعوادي لمنهم خاصموه يخصمها

والكرم عند مفلح مثل وبل المخيله
والكبار يحسمها والصغار يحسمها

كل ماكبرت الدعوى وجاتك مهيله
عرض جنوبها الجنب المتين ودحمها

وال عاطف لما ثقل الحمل ترتكيله
والمراجل بنوا في كل ديره هرمها

في مواقيفهم مثل الجبال الظليله
عزوةٍ فا الحجا المزموم يطرخ علمها