ابن شافي وابن هادي - فهد بن فصلا (جديد) | 2024

لطلب التصميم واتساب فقط
https://iwtsp.com/966562431856

اشترك في قناة نجم عبيدة الرسمية وفعل زر التنبيه
   / @nagem_abidah  

لمتابعة المصمم نجم عبيدة على وسائل التواصل :
https://alfan.link/nagem_abidah

================

في حفل سعد بن راشد آل حركان

كلمات الشاعر مبارك بن سوداء
اداء المنشد فهد بن فصلا

كلمات العمل

استاذن من اليل انا سير علي ضيفٍ قدير
من كبر قدره ودي ان فوق السحاب اقلطه

يزورني لاشافني ضايق وفي وضعٍ خطير
وحارب هموم اليالي والضروف المحبطه

الشعر بعد الله تعالى له علي فضلٍ كبير
اليا تلقيت الخلا ينقى القصيد ويسفطه

ياطول ليل الي عليه من الزمن شيٍ كثير
يضايقه شوف اشفق والصبح ل اسفر نشّطه

يدهاني اليل بظلامه واسهره مثل الخفير
في وسط راسي شاعرين كبار وصفوف سوطه

لاقلت انا عن حلم عمري بتريح وستخير
ذكرت بيت عناد بن مشيب وفل مخططه

ماعاد ابي قرب البلاد الباهي وشور الشوير
من زحمة الاشوار جا في وسط راسي لخبطه

ماعاد ابي الا شوف بنت مهاجر وحس العشير
الي ليامن شاف جوي ضاق في اشوي ضبطه

حلفت ماتعوضني الاحلام في بنت البعير
حبس على حب الطموحات الكبار مقلطه

ارتاح لاشفت الفحل وسط العشاير له هدير
واماته من القبقبه في اشبك جاي الها خبطه

........................................................
طوينا صفحتن نسيانها يصعب على ارجال
نجاهد في الزمن الشين ويجيب الي يجيبه

فتحنا باب الامجاد القديمه والفخر لازال
يعانق ربع بن شافي هل العز وهل الهيبه

ماهوب يقند الروس العنيده صبت الفنجال
من الي بهرت من زعفران الهند ابو شيبه

الا يامرحبا بسم الظهيري مضرب الامثال
تمثّل به روات المجد في فعله وفي طيبه

هذا راشد تجيه وتعتزيبه لاحداك الجال
ينومس حفل بن حركان وتنومس تراحيبه

سعد وجه السعد رجال واحد عن ثلاث رجال
ليا كبرت الامور وقام كلن يجحد صحيبه

ليا عدو هل الافعال يحسب مع هل الافعال
كريمٍ لانصيته مايصرّ المال في جيبه

بوقف معك والله ماتعذر في كثر الاشغال
وعقب شاعرٍ يبخل على ربعه مكاتيبه

انا من دون خلان الاشده حال ولا مال
قصيدٍ مانفع خزنة ظفر والله ماليبه

فهد خويي الطيب ليامن قال شيٍ طال
يفاخر ويتمارا بي وانا افخر به واماريبه

هذولا ال حركان اهل فزعه لازما العيّال
ليا قام الخصيم الصعب يفتل روس اشانيبه

تتوّب كل عاصي مايتوب الا بضرب اسلال
يعيف المهره الصفرا ويرجع من مطاليبه

وحنا ربع بن شافي وبن هادي صروح جبال
خذينا في ديار القوم تشريقه وتغريبه

مناديب الشيوخ اهل الشداد الشعر والابطال
وكلن يكتب ويرسل على الثاني مناديبه

بن شافي يقول الساحل الشرقي معي لازال
وبن هادي يقول ان نجد الانجد في يد الشيبه

لنا في تين وقعه والمنيه سوقها شغال
وكل معربٍ مقبل يشلّ الموت في جيبه

مايجحد فعل خلان الاشده في الوغا عقال
مايشحني كلام الجاهل ان قربت محاضيبه

تغنا العبد ولا تجهلون العبد وشهو قال
قصيده قالها يوم ان دخل في عمه الريبه

فزعتو يابني هاجر وحنا جمع ماينطال
عددنا فوق الافين وذبحتو اصبي والشيبه

غزونا ونكسرنا كلبونا رجلي وخيال
وراحو مابقى الا شايبٍ الايام تومي به

رجع هرش البدو من عقب مايهدر هدير جمال
يطنّب برغا في الجو وياكل من عراقيبه

..

▪لاتنسى الاشتراك بالقناه.
▪️لايك اذا عجبك الفيديو. 💜
▪انشر الشيله في قروباتك و اي مكان تبي لاهنت 📲
▪️ولا تنسى تفعيل ( 🔈) الجرس عشان تشوف كل جديد و حصري ..


////////////////////////// ‏

#شيلات #فهد_بن_فصلا #نجم_عبيده #جديد_2024