2024香港小姐競選｜佳麗出發外景前拜神求順利 前輩師姐傳經驗默契

2024香港小姐競選｜佳麗出發外景前拜神求順利 前輩師姐傳經驗默契

15位星期一先正式同各界見面嘅《2024香港小姐競選》佳麗，今日已經齊齊為出發到各地嘅親善之旅作準備。呢日出發前嘅拜神儀式，就見到 江美儀 馮盈盈 同 邵初 幾位嘉賓，仲有15位佳麗齊齊祈求拍攝一切順利喇。

FYY身為港姐師姐，呢日就即場先向大家傳授過往經驗，佢仲提醒大家可以放鬆同做自己咁話。而邵初亦同樣以師姐身份向組員分享當年心態，至於美儀姐就提幾位佳麗一定於享受人生難得嘅參賽過程喇。

5號莊曉婷、6號李曼思同15號俞可程已率先出發往內蒙古，而將到塞班島嘅7號秦冀雯、8號盧凱怡同12號鍾翠詩將同FYY一齊往塞型島拍攝，盧凱怡仲話一早以經非常鍾意FYY呢位師姐，今次同行就可以學吓嘢，仲話非常敬佩另一位前輩 麥美恩 嘅口才咁話。FYY聽完仲話成員已經非常出色，自己唔使同行應該都冇問題呀。

江美儀同邵初會帶領1號陳紫佟、10號吳芷靖、13號程姜月就將前往新加坡取景，不過兩位前輩就話此行要化身做魔鬼，同幾位佳麗試盡當地美食喎。至於9號陳甜甜、11號梁嘉莹同14號楊梓瑤則將留港拍攝，等對香港認識較淺嘅佢哋可以有更深入嘅體驗，佢哋亦都有唔少選更了解嘅不同之處呀。

而2號倪樂琳、3號王汛文同4號謝淑怡將負責往菲律賓碧瑤，佢哋仲似乎已經做足晒功課，準備好晒唔同資料咁喎。

#2024香港小姐競選 #香港小姐 #港姐 #外景拜神 #5號莊曉婷 #6號李曼思 #15號俞可程 #內蒙古 #7號秦冀雯 #8號盧凱怡 #12號鍾翠詩 #塞班島 #1號陳紫佟 #10號吳芷靖 #13號程姜月 #新加坡 #9號陳甜甜 #11號梁嘉莹 #14號楊梓瑤 #香港 #2號倪樂琳 #3號王汛文 #4號謝淑怡 #菲律賓碧瑤
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0