اسهل صينية دجاج مع الخضار ام يزيد التركستاني

اسهل صينية دجاج مع الخضار
تتبيلة الدجاج /
نحتاج حبتين دجاج مقطع من النص و مغسل و تبلي الدجاج ب 👈🏼 ( ملعقه كبيره كزبره ناشفه + ملعقه كبيره كمون + ملعقتين كبار كركم + ملح + ملعقتين صرار حائل او بابريكا او فلفل يكون حرارته خفيفه + ملعقه صغيره فلفل اسود + نص كوب مويه + 4 ملاعق سمن او زيت و تبلي الدجاج مزبوط
و ممكن ترفعي شويه من البهارات على الجنب عشان ترشيها فوق الخضار حسب الرغبه
و الخضار الى نحتاجه 👈🏼 4 حبات بطاطس مقطع شرائح عريض + 4 حبات طماطم مقطع شرائح + حبتين فلفل رومي مقطع شرائح + كم حبه فلفل حار + 4 حبات كوسه مقطع شرائح عريض + راسين ثوم مقشر + 4 حبات بصل مقطع شرائح + حبة ليمون كبيرة مقطع شرائح رفيع
واحضري الصينيه و ضعي فوقه ورق زبده و رصي الدجاج فوقه و يكون جهة الجلد على تحت و رصي الخضار فوق الدجاج و في الأطراف و رشي البهار المطحون الى رفعتيه و ضعي شويه من السمن و بللي ورق زبده بالمويه و غطي الخضار و الدجاج و ادخليه في فرن مسخن مسبقا و اتركيه يستوي و يحمر و نار الفرن على اعلى درجة و النار من فوق و تحت ياخذ من ساعه و عشره دقايق الى ساعه و ثلث حسب حجم الدجاج