Rauf Parfi. Ona (Men bilaman, vujuding bo'zlar...).

Рауф Парфи. Она (Мен биламан, вужудинг бўзлар). Абдукарим Мирзаев ўқиган / Rauf Parfi. Ona (Men bilaman, vujuding bo'zlar...). Abdukarim Mirzayev o'qigan

Рауф ПАРФИ
МЕН БИЛАМАН, ВУЖУДИНГ БЎЗЛАР...

Мен биламан, вужудинг бўзлар,
Бағринг ёнар саёқ ўғлингга.
Сени ўртар бир оғир сўзлар,
Ахтариб чиқарсан йўлимга.

Кўчаларга қарайсан ҳар зум,
Кечаларни оқлайсан, она.
Гуноҳкорман ёлғиз мен ўзим,
Яна мени оқлайсан, она.

Очиқ ётар токчада китоб,
Очиц ётар менинг дафтарим,
Унда кезар мангу изтироб.

Тубанликда ёсуман жари.
Шўрлик ўғлинг бир умр бетоб
Синган сози, синган ханжари.

1964

RAUF PARFI
MEN BILAMAN, VUJUDING BO'ZLAR...

Men bilaman, vujuding bo’zlar,
Bag’ring yonar sayoq o’g’lingga.
Seni o’rtar bir og’ir so’zlar,
Axtarib chiqarsan yo’limga.

Ko’chalarga qaraysan har zum,
Kechalarni oqlaysan, ona.
Gunohkorman yolg’iz men o’zim,
Yana meni oqlaysan, ona.

Ochiq yotar tokchada kitob,
Ochits yotar mening daftarim,
Unda kezar mangu iztirob.

Tubanlikda yosuman jari.
Sho’rlik o’g’ling bir umr betob
Singan sozi, singan xanjari.

1964