Скачать или смотреть बार्शीच्या ठोंबरे यांचा सुपर गोल्डन सीताफळ ब्रँन्ड !

#YesNewsMarathi #thombresitafal #supergoldensitafal
सोलापूर : बार्शी भगवंतांची नगरी. मराठवाड्याचं प्रवेशद्वार.. याच बार्शीने राज्याला अनेक नेते आणि प्रशासकीय अधिकारी दिलेत. इथल्या उद्योजकांनी, शेतकर्‍यांनी आपल्या उत्पादनावर ठसठशीत मोहोर उमटवली आहे.
कष्ट हेच भांडवल समजून आपल्या घामाच्या जोरावर ठोंबरे कुटुंबीयांनी खामगावात सीताफळाची शेती करून आपला ब्रॅन्ड तयार केला आहे. गुणवत्ता, प्रयोगशीलता, मार्केटींग नॉलेज याचा मिलाप घालून त्यांनी जिल्ह्यातील शेतकर्‍यांसमोर आदर्श निर्माण केला आहे.
बार्शीमधील खामगाव हा त्यांचा फार्म हाऊस आता जणू शेतकर्‍यांसाठी एक प्रयोगशाळाच बनली आहे. नाविन्यपुर्ण प्रयोग करीत ठोंबरे बंधूंनी सीताफळामध्ये बार्शीचे नाव सातासमुद्रापार नेले आहे. त्यांचे सीताफळ आकर्षक तर आहेच, शिवाय वजनाला देखील एक-एक किलो भरत आहेत. त्यांचा हा प्रयोग निश्‍चित कौतुक करण्या सारखा आहे. पहा...ठोंबरे यांची सीताफळाची शेती

सोलापूर जिल्ह्यात बार्शीपासून अवघ्या 13 किलोमीटरवर खामगाव आहे. कांदा, भाजीपाला या पिकांची खामगावात पहिल्यापासून आघाडी आहे. खामगाव सिलेक्शन नावाच्या कांद्याच्या अनुषंगाने काही वर्षांपुर्वी या गावाने मोठे नाव कमावले होते. याच गावातील प्रयोगशील शेतकरी राजेंद्र आणि उद्योजक संतोष या ठोंबरे बंधूनी कष्टातून सीताफळाची शेती केली.

राजेंद्र स्वत: पुर्णवेळ शेती पाहतात तर संतोष व्यवसायात मग्न असतात. दोन्ही बंधूंना पहिल्यापासूनच शेतीत सर्वाधिक रस असल्याने सातत्याने नवे प्रयोग ते करीत असतात. आधुनिक पद्धती आणि नवतंत्रज्ञानाचा वापर हे त्यांच्या शेतीचे वैशिष्टय राहिले आहे. ठोंबरे यांची 20 एकर शेती आहे. त्यात सर्वाधिक 10 एकरांवर सीताफळ आहे.

पुर्वी ठोंबरे यांची द्राक्षबाग होती. द्राक्षशेतीत मजूर खर्च अधिक होता. एकरी उत्पादन व दर यांचा मेळ बसत नव्हता. त्यातच दोन वर्षांपुर्वी अवकाळी पाऊस व गारपीट यामुळे हातातोंडाशी आलेले उत्पादन पुर्ण नुकसानीत गेले. मोठा फटका बसला होता मात्र यातून सावरणे गरजेचे होते. प्रतिकूल परिस्थितीतून कायमचा तोडगा काढणे गरजेचे होते. त्यादृष्टीने मग सीताफळाचा विचार त्यांनी केला.
गेल्यावर्षी आंतरपीक म्हणून घेतलेल्या सोयाबीनचे एकरी तीन क्विंटल तर हरभर्‍याचे चार क्विंटल उत्पादन मिळाले. त्यातून पहिल्यावर्षी मुख्य बागेचा वरखर्च किमान भागला. एकुणच खते आणि कीडनाशके यांच्या अनुषंगाने खर्च कमी राहिला.

खर्च उत्पादन
पहिल्या वर्षी रोपे व ठिबक असा 70 हजार रूपये खर्च झाला. त्यावेळी प्रतिझाड उत्पादन 8 ते 9 किलो मिळाले. यंदाचे उत्पादन सुमारे 10 एकरात 19 टन आहे. अजून सुमारे 15 टन उत्पादनाची आशा आहे. सीताफळाचा बहर संपत आल्याने दर चांगले मिळत आहेत. हैद्राबादच्या मार्केटमध्ये त्यांना किलोला 125 ते कमाल 160 रूपये दर मिळाला.

पॅकिंग, ब्रॅन्डींग
सीताफळाच्या पॅकिंग आणि ब्रॉण्डिंगकडे विशेष लक्ष दिले आहे. त्यासाठी ठोंबरे फार्म अँन्ड नर्सरी नावाने खास ब्रँन्ड तयार केला आहे. दोन, चार, सहा नगांचे छोटे आणि आवश्यकतेनुसार 20 किलो वजनाचे बॉक्स पॅकिंगसाठी उपलब्ध केले आहेत. बॉक्स हाताळताना कोठेही खराब होऊ नयेत याची काळजी घेतली आहे. सीताफळाला दिल्ली, बंगळूर, हैद्राबाद, पुणे, मुंबई बाजारपेठा चांगल्या आहेत.

शेतकर्‍यांसाठी वरदान ठरलेल्या या सीताफळाची रोपे देखील नर्सरीमध्ये वाढून हजारो शेतकर्‍यांसाठी दिली जात आहेत. ज्यांना याच वाणाच्या सीताफळाची रोप हवी आहेत त्यांनी खामगावच्या ठोंबरे फार्म हाऊसमध्ये मो.9011915959 या क्रमांकावर संपर्क साधावा.
★Follow us, Share, Support★
Website:- http://yesnewsmarathi.com/
Facebook:-   / yesnewsmarathi  
Twitter:-   / yesnewsmarathi  

★Contact us★
mobile- 9881748329
Email:- yesnewsmarathi@gmail.com

येस न्यूज मराठी युट्युब चॅनेल मध्ये आपल्या सगळ्यांचे स्वागत आहे. आम्ही १९ फेब्रुवारी २०१८ या शिवजयंतीच्या दिवशी पत्रकारितेच्या नव्या पर्वाला सुरूवात केलीय. मराठी भाषेला प्राधान्य देत संपूर्ण महाराष्ट्राच्या, देशाच्या तसेच जगाच्या बातम्या आम्ही आपणास या युट्युब चॅनेल द्वारे देत आहोत.