Скачать или смотреть شيلة زواج عبدالمجيد محمد الشرعان اداء ماجد الرسلاني

في لزوم الغالي اليا من دعاني
سقت روحي قبل لاسوق التهاني
بصوت ماجد صوتنا ياحي فاله
الوعد باذن الله بقاعة تغاني

علموا عبدالمجيد الله يزيده
يزهل الشيله و كلمات القصيدة
ويزهل صفوف ٍ ليا قامت تعزوا
كل واحد منّهم يسوى بديده

باسم ابو رويشد نرحب في ضيوفه
عند من هو مابخل حزة وقوفه
كم تعزوا دون من جاه يتعزوا
ويملي عيونه قبل يملا كفوفه

نعم والله فيه والنعم بعياله
الكرام اللي يحبون الجماله
كيف مافرح وابتهج وانتوا خوالي
حي والله فال من صرتوا خواله

ايه ياعبدالمجيد اليوم حنّا
من غلاك لحفلك اليوم نتعنا
وكلنا لك يابعد حيي نردد
ياعريس اليوم ياجعلك تهنّى

من وفا لاخوه في وقت الشدايد
وقفته نبني لها شعر و شهايد
بيض الله وجهك وزادك وعزك
ياعريب الجد يا ذخر الولايد

انت اخو رويشد وابو محمد علينا
غالي ومن طيبه وقدره وفينا
وانت اخو رشيد ونعمٍ بابو يوسف
نقولها له كل ما لاسمه طرينا

ولايهون ابو سميك لا طريته
ذا فهدنا حي راسه لانخيته
الغلا اللي ماتغيره الليالي
والله اني ياخوالي مانسيته

دامت الافراح و العز الرهاوي
مِنه راس الطيّب المطنوخ راوي
ايه ياعبد المجيد اليوم يومك
وسِعدنا شوفتك بالبشت الحساوي

عاشوا الشرعان و العجلان عاشوا
الرجال اللي على الامداح شاشوا
نسل من هم مجدهم ماهو بتوه
مبطي من اول يوم ان القوم طاشوا

ايه انا رسلاني سبيعي مردد
ما تعذر فاللزوم و لا تصدد
مجدنا اللي فات ، لامنا اعتزينا
في سواعدنا على الارض يتجدد

يالهنوف اللي تكدين الجدايل
دونك اللي صيتهم بين القبايل
امنّي في ضفنا و انتي بذرانا
ومايخيب اللي ذراه عيال وايل

كان زاد الخير ولا بان .. شحه
صوتنا ما ينقصر لو فيه بحه
بحة الويلاان .. مبطي يوم كسرى
جندلوه بضرب سيف وشوط دحه

غير قاصر في عريبين السلايل
كاسبين الصيت من كل القبايل
كلنا دون الوطن لامن دعانا
مايفرقنا .. خبيثين الفعايل

دور اخو نوره ودون الدار حنا
مانساوم في حكومتنا ووطنا
كلنا للملكة واخوان نوره
نتفادى لو تروح الروح منا