Скачать или смотреть شيلة زواج يوسف عياد الرسلاني - بصوت ماجد الرسلاني

قال ابو رواف في مطلع قصيده
ازهلوا ياربعي الشعر وجديده
وابشروا بي وابشروا في صوت ماجد
صوتنا اللي كل مانفرح نعيده

لاذكرت اسم عنزه بين القبايل
والله اني افتخر و الراس طايل
واتعزوا وارفع بصوتي واردد
احمد الله لابتي من صلب وايل

مجدنا عدّى على نجم الثريا
وماعلى حميا بني عمي حميا
من تضايق واعتزى يبشر بعزه
والله انه عن غثا الشر يتفيا

والله ان اسم عنزه عالي وكايد
ومحتمين الاسم بوساع البنايد
ايه حنا اهل ذي قار الشهيره
وبالقصايد اهل شيخات القصايد

شيخة وحكم و فعايل ماتعدد
ومجدنا كل عام فالارض يتجدد
كيف مافخر في بني عمي حزامي
مصدر الامجاد و العز المردد

البيارق عاليه و الراس عالي
وعزٍ نماري به اصحاب المعالي
وجمعٍ يجمّل ووقفاتٍ تجمّل
واسمنا غالي ومن يحماه غالي

ان وعدنا روسنا تحفظ وعدنا
ومجدنا ميراثنا للي بعدنا
واحمد الله واشكره من زود فضله
مجد شايبنا يماري به ولدنا

من هلا العرفا والامجاد الكبيرة
مرويت حد المراهيف الشطيره
انشدوا طار السبيعي حي ذكره
وانشدوا كل ضلع فوق الارض غيره

وان ذكرت عصابة الراس المحازم
ذخر راسي عزوتي وقت اللوازم
الرسالين السناعيس الدهايا
الغتر و العقل فالجو اتعازم

ياسناعيس عنزه ياعز راسي
يابني عمي ويامصدر حماسي
باسمكم لي الشرف يوم اتقدّم
واخذ من الاول الرقم القياسي

البناخي لاهقى فينا لقانا
من غلاته عندنا وزايد وفانا
ايه يايوسف ولد عيّاد ازهل
والله انّا دون راسك مانتوانا

ياعسى افراحك يابو عيّاد دايم
يالرفيق اللي تبشّر بالغنايم
ربعك اللي هم حوالينك ودونك
يحذفون الروس خل عنك العمايم

البس البشت الحساوي يابن عمّي
واحتزم مادمت من لحمي ودمي
والله اني كل غنّامي احبه
ومن وفاهم كم جلو من قبل همي

انت نسل اللي عساه بجنة الله
غاليٍ نذكره فالخير ونجله
والله ان عيّاد غالي وانت غالي
ياعسى ان الله تحت ظله يظله

عويد الغنام يدعينا وحنا
دونك ودونه ما والله نتونا
وباسم اخوانك نردد من غلاهم
مرحبا باللي لوجهتكم تعنا

العمام اللي مواقفهم جليه
والخوال اهل المواقف والحميه
حي والله روسكم واللي وصلكم
له ملايين الهلا و الشاذليه

دامت الأفراح وختام القصيده
الكلام اللي قبل نرجع نعيده
مرحبااا في حفل يوسف يالنشاما
ياعسى الله يرزقه والله يزيده