ဘဝထဲကဟာသတွေနဲ့ Ko Khant Comedy

လက်တလော လူမှုကွန်ရက်မှာ အားပေးချစ်ခင်မှုတွေ ရရှိလာနေသူကတော့ ဟာသဇာတ်လမ်းတိုလေးတွေ ရိုက်ကူးတင်ဆက်နေတဲ့ Ko Khant Comedy - ကိုခန့်ပဲ ဖြစ်ပါတယ်။

သူတို့လင်မယားဟာ ဇနီးမောင်နှံတိုင်းကြားမှာဖြစ်တတ်တဲ့ ကတောက်ကစ၊ ပြဿနာငယ်လေးတွေကို ဟာသဗီဒီယိုအတိုလေးတွေအဖြစ် ရိုက်ကူးတင်ဆက်ရင်း ကြည့်ရှုသူတွေအတွက် ပျော်ရွှင်မှုလေးတွေ ပေးနေတာပါ။

ဗီဒီယိုအများစုကို သူတို့မိသားစုနေထိုင်တဲ့ တဲအိမ်လေးထဲမှာပဲ ဖုန်းတလုံးကို သနပ်ခါးတုံးပေါ်မှေးတင်ပြီး ရိုက်ကူးခဲ့တာလို့ ကိုခန့်က ပြောပါတယ်။

သူတို့ဗီဒီယိုတွေဟာ သဘာဝကျပြီး ဖုန်းလေးတလုံးနဲ့ ရိုးရိုးရှင်းရှင်း ရိုက်ကူးထားတာကြောင့် Facebook ပေါ်က အခြားနာမည်ကျော်တွေနဲ့မတူဘဲ တမူကွဲထွက်နေတာပဲဖြစ်ပါတယ်။

"အိန္ဒိယက ညီလေးတယောက်က ဝင်ငွေလေးဘာလေးရအောင်ဆိုပြီး စေတနာနဲ့ Tik Tok ရော YouTube ပါ ဖွင့်ပေးထားပါတယ်။ အစကတော့ ဝါသနာအရ အပျော်သဘောရိုက်တာဆိုပေမယ့် အားပေးမှုများလာတော့ ဆက်လုပ်ဖြစ်နေတာ"လို့ ကိုခန့်က ပြောပါတယ်။
“၃ ခါထက်မကျော်နဲ့” ဆိုတဲ့ ဗီဒီယိုနဲ့လူသိများလာတဲ့ ကိုခန့်နဲ့ မပန်းအိတို့ ဇနီးမောင်နှံဟာ ရန်ကုန်မြို့တဘက်ကမ်း ဆိပ်ကြီးခနောင်တိုမှာ အသက် ၄ နှစ်အရွယ် သားဖြစ်သူနဲ့အတူနေထိုင်ရင်း ရယ်စရာဗီဒီယိုလေးတွေ ဆက်လက်ဖန်းတီးသွားမယ်လို့ ဆိုပါတယ်။

(မှတ်ချက် - "ဘဝထဲကဟာသတွေ ရှာဖွေတွေ့ရှိသွားတဲ့ ကိုခန့်” ဗီဒီယိုကို News Watch Facebook Page နှင့် Yokeshin Taykabyar Facebook Page များမှ မကြာခင် ဆက်လက်ဆင်ဆက်ပေးသွားပါမယ်။)

#newswatch
#myanmarcomedy
#kokhant