Скачать или смотреть ပိန်းဥထမင်းပေါင်း Taro Rice

တရုတ်တန်းမှာ မနက်စာအနေနဲ့ ရောင်းလေ့ရှိတဲ့ ထမင်းပေါင်းလေးပါ။ အိမ်မှာ ကိုယ်တိုင်ပေါင်းတဲ့အခါ ပိန်းဥများများ ပုစွန်ခြောက်များများ စားလို့ကောင်းပါတယ်။

ပိန်းဥ ၁ လုံးကို အန်စာတုံးအရွယ်လေးတွေ တုံးပေးထားပါ။ ပိန်းဥ က ပျော့နေရင် မသုံးပါနဲ့ခင်ဗျာ။ ဂျပန် ရှီတာကေမှို - ၃ ပွင့်
ကို ရေဆေးပြီးရေစိမ်ထားပေးပါ။
ပုစွန်ခြောက် - ၃ ဇွန်း (စားပွဲတင်ဇွန်း)
ကိုလည်း ရေဆေးပြီး ရေစိမ်ထားပေးပါ။ ရေဆေးပြီးမှ ရေစိမ်ထားတာက ပုစွန်ခြောက်နဲ့မှို ‌ရေစိမ်ထားတဲ့ ရေကို ထမင်းပေါင်းရင် ပြန်သုံးမှာ မလို့ပါ။
နာရီဝက်လောက်ရေစိမ်ပြီးရင် စိမ်ထားတဲ့ရေတွေကို ပန်းကန်တလုံးထဲမှာ ရောထားပေးပါ။
ဝက်အူချောင်း (သို့) ကြက်အူချောင်းကို ပါးပါးလှီးထားပါ။ ‌
ရေစိမ်ထားတဲ့မှိုနဲ့ ပုစွန်ခြောက်ကို နုတ်နုတ်လေးတွေစဉ်းထားပေးပါ။
ဆန် ကို ဆန်ချိန်ခွက် ၃ ခွက် သုံးပါမယ်။ ဆန်ကို ရေသေချာဆေးပြီး ရေစစ်ထားပေးပါ။
ကြက်သွန်နီ ၅ လုံးလောက်ကို ဆီချက် ချက်ဖို့ ပါးပါးလှီးထားပါ။ ပြီးရင် ဆီပူပူနဲ့ မွှေးလာတဲ့အထိ ဆီချက်ချက်ထားပြီးဆယ်ထားပါ။
ကြက်သွန်နီကြော်ထားတဲ့ ဆီထဲမှာပဲ ပုစွန်ခြောက်တွေကို မွှေးတဲ့အထိ ကြော်ပေးပါ။ ပြီးရင် ဂျပန်ရှီတာကေမှိုထည့်ကြော်ပါ။ မှိုတွေနည်းနည်းသွေ့သွားရင် ဝက်အူချောင်းနဲ့ ပိန်းဥထည့်ပေးပါ။ အရသာအတွက် သကြား အနည်းငယ်ထည့်ပေးပါ။
ဆား - အနည်းငယ်
ငရုတ်ကောင်းမှုန့် - အဖြူထည့်ပေးပါ။
အစာတွေအားလုံးမွှေးလာပြီဆိုရင် ရေဆေးရေစစ်ထားတဲ့ ဆန်တွေထည့်ပြီး ကြော်ပေးပါ။ ၃မိနစ်လောက်ကြော်ပေးပြီးရင်
ပဲငံပြာရည်အကြည် - ၁ ဇွန်း (စားပွဲတင်ဇွန်း)
ပဲငံပြာရည်အပျစ် - ၁ ဇွန်း (စားပွဲတင်ဇွန်း)
ခရုဆီ - ၁ ဇွန်း (စားပွဲတင်ဇွန်း)
အရသာကို မိမိချက်မယ့် အချိုးအစာပေါ်မူတည်ပြီးထည့်ပေးပါ။
မွှေးလာတဲ့အထိ ထပ်ပြီးမွှေပေးပြီးရင် ထမင်းပေါင်းအိုးထဲထည့်ပါ။ ကြော်ထားတဲ့ ကြက်သွန်နီကြော် အနည်းငယ်ထည့်ပါ။ ရေ အချိုးအစားက ပုံမှန်ထမင်းချက်တာထက် အနည်းငယ် ပိုထည့်ပေးပါ။ အစာအတွေ အများကြီးထည့်ထားတဲ့အတွက် ရေ ပိုထည့်ခြင်းဖြစ်ပါတယ်။ (ဆန် ၃ ခွက် အတွက် ရေ ၅ ခွက် ပါ) ရေထဲမှာ ခုနက ပုစွန်ခြောက်။မှို စိမ်ထားတဲ့ရေပါ ထည့်ပေးပါ။
ပြီးရင် ထမင်းချက်သလိုပဲ ချက်ပေးပါ။
ထမင်းကျက်ပြီဆိုတာနဲ့ မွှေးနေတဲ့ ပိန်းဥထမင်းပေါင်းလေးရပါပြီခင်ဗျာ။ သုံးဆောင်တဲ့အခါမှ ကြက်သွန်နီကြော်ရယ် ကြက်သွန်မြိတ်လေးကို ဖြူးပြီး သုံးဆောင်နိုင်ပါတယ်ခင်ဗျာ။
သူငယ်ချင်းအားလုံးကျန်းမာပျော်ရွှင်ကြပါစေ။




ပိန်းဥ - ၁ လုံး
ကြက်သွန်နီ - ၅ လုံး
ကြက်သွန်မြိတ် - ၄ ချောင်း
ဂျပန် ရှီတာကေမှို - ၃ ပွင့်
ပုစွန်ခြောက် - ၃ ဇွန်း (စားပွဲတင်ဇွန်း)
ဝက်အူချောင်း - ၃ ချောင်း

Cookfork1 ၏ အခြားသော လူမှုကွန်ယက်တွေဖြစ်တဲ့ ဖေ့စ်ဘုတ်။ အင်စတာဂရမ်။တစ်တော့ မှာလည်း မတူညီသော တင်ဆက်မှုများဖြင့် တင်ပေးထားပါတယ်ခင်ဗျာ။