القصر الأبيض كلمات : رائد الكيرعاني أداء : جفران بن هضبان ( حصرياً )

نعيش الحياة ب عنفوان و شموخ و جور
وتالي الحياة موادعة يالله الخيره

يا ربي تبلّغنا بعفوك جنان الحور
عدوّك من أخطا جنّة الله بـ تقصيره

هواجيسي اللي راكدة من ثلاث شهور
شعاها عوا ذيب يقوّوس مجاريره

طراة الرجل في واجبه يطّبخ ويفور
ما تثنيه زوغات الزمان ومعاصيره

لي الله ولا اشهد طول عمري شهادة زور
ولا احَقْر من ياجب على القرم تقديره

احبّ اتشطّر واتفرّج مع الجمهور
هذا ينوّخ بعيره وذا يشعب بعيره

والى صار ولا صار بين الآمور امور
نطحت الجموع و تقتل ابليس تكبيره

انا الشاعر الحماي حين الرصاص يثور
معي فرخ ن تحط الصفا حبّ طبشيره

وتمجيد ربعي بالمدايح بدون قصور
هو علاج راسي كان زادت تفاكيره

ماهي وصفة والله يوصّي بها الدكتور
لكنها وصاة اللي تدرَّس سعاطيره

أما الاجودي يرتاح حتى يجيه الدور
يبي مدحته لكن انا ماني بـ طيره

نديبي تولّم واخذ مني الثنا الموفور
على جيب أبيض ما تراخت مساميره

يسوقه من عيال ابن مكرع طويل شبور
ءمعنّا و صلف و يفتل الرّاي و يديره

لا جيت العرين بلاد قحطان تلقى النور
مجالس بني عمي هل المنع والجيرة

تشوف القصور يمين ويسار عشر وقصور
و فأعلى الجبل مضياف ماهو مثل غيره

قصر ساطي ن عيا على البيرق المنشور
من عيال ابوي اللي لهم بالفخر سيره

يشوفه راعي العرقين لو ما معه ناظور
ومنا يشوفه راعي الثفن و القيرة

غدا معلم فالشرق يفخر به المنعور
مثل برج زايد بين الأبراج تصويره

خذا من بناء برج ايفل الشكل والديكور
ومن لآندلس تأسيس و طراز تعميره

اذا البيت الأبيض في واشنطن ثلاثة دور
علوم الردا ما بين بابه و أساريره

ترا القصر الابيض بالوفا والسعد معمور
وفيه الهلا والرّحب ما يفصل امبيره

وكرمه وفعل ٍ يبهج الخاطر المكدور
وسلم الجدود الأولين ب حذافيره

يلاقيك من يلقى النشاما و هو مسرور
الى شاف وجه الضيف تنباج أساريره

ما يرتاح لين يشوف في مجلسه طابور
وكثر الجموع يزيده انعاش و يثيره

هو اللي لو تطلق ما يفعل سوا الميسور
يحط الطلي ويقول ما غير تصبيره

ما يعرف على الضيف المسيّر يعَرْض الشور
يديّن ب دين ن صدق يا عسر تكفيره

فرط مسبحة الأكرام كفّه بدون شعور
ومن كثر ما كِثِّر بخيره .. كثَر خيره

هذا والله الهامور لا قالو الهامور
من أطيب مدوّرة الجميل و هواميره

تحزّم ب ابو راكان و اسبح بـ سبع بحور
سعيد السعد والمجد والطيب و الغيره

جَعَل في بلاد ابوه دارٍ بليّا سور
وفي قلب نجد العاصمة مجلسه ديره

الى قامو الصبيان كل يهبد الزور
وكثرو متابيع المديح و مداويره

فتش عن زراف ن حدّها يشرق الحنجور
وشمّر ذراعٍ تردع الحفّ عن سيره

تبي الصدق يبن خريم عن لابتك مشكور
عطيت المراجل حقّها ي ابيض السيرة