لعيونه - حاكم الشيباني (حصريا 2024)

شيلة لعيونه
كلمات محمد السكران
اداء حاكم الشيباني
توزيع ومكساج تون لايف
تصميم ومونتاج صنت حاكم الشيباني



كلمات :
يا أهل السواليف ما ادري عن سوالفكم
فيني من الضيق شيء ما تحسونه
اللي يتعلق بواحد ما درى عنه
يا عزتي له وكان الله في عونه
يجيب طاريه متقصد ومتعمد
لعله يطيح في ناس يعرفونه
واللي يحبونه اهملهم وخلاهم
حتى خسرك وخسر ناس يحبونه
وحيد والوحده اصعب شيء فالدنيا
تكره الشخص في نفسه وفي كونه
لصار مديون هم وفاقدً غالي
بالله ياناس كيف يسدد ديونه
دايم يقولون عقب الشينه الزينه
وانا تعبت انتظر شيءً يقولونه
والله مابي منه شيء ان كانه مقفي
مغير ابدري عقب فرقاي وشلونه
ان كانه بخير قلت الله يسهله
مانيب قايل عساها تدمع اعيونه
وان عاش من دوني الله يحفظه لكن
المشكله صدق كيف اعيش من دونه
تكفون ياللي تجونه من يبشرني
عساه مازال رقمي في تلفونه
ابيه يذكرني ليا جيت في باله
واني تحديت كل الناس لعيونه
دلت مشاعرك مافاحت ولا صبت
عطى الملاهيف فنجالن يذوقونه
الحب ماحرمه ربي ولا ذمه
مدري ورى الناس والعالم يذمونه
سويت لك شيء لو تزهمبه اخوانك
يبطون يبطون والله مايسوونه