Скачать или смотреть தோன்றின மறையும்; மறைந்தனதோன்றும்;   இது இயற்கை நியதி! THOSE THAT APPEARS WILL DISAPPEAR;

   டிசம்பர் 24                               புதன்


 தோன்றின மறையும்; மறைந்தன தோன்றும்; 

             இது இயற்கை நியதி!


மரணம் உயிர்கள் தவிர்க்க இயலாத இயற்கை நியதி. தவிர்க்க இயலாததை பற்றி நினையாமல் இருக்கின்ற வாழ்க்கையை ஆனந்தமாக வாழ்பவன் யதார்த்தவாதி.

—-----------------------------------------------------------------------------------------------------------------------

THOSE THAT APPEARS WILL DISAPPEAR; THOSE THAT DISAPPEARS 

                        WILL APPEAR; THIS IS NATURE’S  LAW!


DEATH is IMMINENT for all living beings, is NATURE’S LAW. One who lives happily without thinking about the imminent things is a practical man.

—--------------------------------------------------------------------------------------------------------------------------

தோன்றின மறையும்;மறைந்தன தோன்றும்; பிறந்தன இறக்கும்; இறந்தன பிறக்கும், என்பது பட்டினத்து சுவாமிகள் பாடிய வாழ்க்கையின் நிலையாமையையும், மாறும் தன்மையையும் உணர்த்தும் ஞான வரிகள். 


 பிறந்த உயிர்கள் இறப்பது இயற்கையின் நியதி. இதை மாற்ற யாராலும் இயலாது. இந்த அடிப்படையை நியதியை உணர்ந்து நீர்க்குமிழி ஒத்த வாழ்க்கையை  செம்மையாக அமைத்து தானும் வாழ்ந்து பிறரையும் வாழ வைப்பது அறிவுடமையாகும்.


 கண்ணதாசன் பாடுகிறார்:

வாழ்க்கை என்பது வியாபாரம்

வரும் ஜனனம் என்பது வரவாகும் 

அதில் மரணம் என்பது செலவாகும்

வந்தவர் எல்லாம் தங்கிவிட்டால் 

இந்த மண்ணில் நமக்கே இடம் ஏது? 


 இயற்கையின மாறாத விதி என்பதை அவர் பாணியில் பாடுகிறார்.


 பாரதப் போரில் பந்தத்தால் கட்டுண்ட அர்ஜுனன், போர் புரிய மறுக்கிறார்.  பகவான் கிருஷ்ணர் இங்கு தான் அர்ஜுனனுக்கு ஆத்ம ஞான உபதேசம் செய்கிறார். பிறந்த உடல் இறப்பது நிச்சயம். மரணம் தவிர்க்க இயலாதது. மரணத்தால் உடல் அழியுமே ஒழிய ஆத்ம வடிவமான உயிர் என்றும் அழிவதில்லை. எனவே அவர்களை நீ  கொல்லுவதாக எண்ணாதே. விளைவுகளைப் பற்றி கவலைப்படாமல் உன் கடமையை செய் என்கிறார்.


 ஒரு உயிர் ஜனிக்கும்போதே இறப்பு நேரமும் குறிக்கப்பட்டே ஜனிக்கிறது என்று ஞானிகள் கூறுகின்றனர். பிறப்பும் இறப்பும் சேர்ந்தே பயணிக்கின்றன. இறப்பு எப்போது எவ்வாறு வந்து அமையும் என்பது ஒரு பெரிய புதிர். வாழ்க்கை ரகசியம். மரணம் எந்த நேரத்திலும் நிகழலாம் என்பதை உணர்ந்து நெறியோடு செம்மையாக வாழ வேண்டும். 


 பகவான் புத்தர் மனிதனின் ஆயுட்காலம் கணநேரம் என்றார்.  கண நேரம் என்றால் அது ஒரு ஷணம் அல்ல. நிலையாமை உணர்ந்து கணம் கணமாக முழுமையாக நிறைவாக வாழ வேண்டும் என்று உபதேசிக்கிறார். இரண்டு மூச்சுக்களுக்கு இடையே உள்ள அந்த சொற்ப நேரமே நமக்கு இறைவன் அளித்த வாழ்வு காலம் என்று கருத வேண்டும். இதுவே பகவான் புத்தர் சொல்ல வரும் வாழ்க்கையின் நிலையாமையை உணர்த்தும் உச்சபட்ச தத்துவம்.


ஒருவன் மலைப் பாதை வழியே நடந்து சென்று கொண்டிருந்தான். பின்னால் ஒரு புலி அவனை நோக்கி வந்து கொண்டிருந்தது. அவன் வேகமாக ஓடியதில் மலையின் விளிம்புக்கு வந்து விட்டான். கீழே பள்ளத்தாக்கு. புலி அவனை நெருங்கி விடவே பள்ளத்தாக்கில் குதித்து விட்டான்.  அவனுடைய அதிர்ஷ்டம் சற்று கீழே ஒரு பெரிய மரம் இருந்தது. அதன் கிளையைப் பிடித்துக் கொண்டு தொங்கினான். கீழே குனிந்து  பார்த்தால் அங்கே ஒரு புலி தன் பசியாற மேலே இவனைப் பார்த்துக் கொண்டு தயாராக நின்றது.  


 மனிதனுடைய வாழ்க்கை நிலையை சித்தரிக்கும் காட்சி இது. இரண்டு எதிர் நிலைகளுக்கு ( பிறப்புக்கும் இறப்புக்கும்) இடையில் தான் நம் வாழ்க்கை பயணிக்கிறது. கிளையைப் பற்றி தொங்கிக் கொண்டிருந்த அவன் முகத்தில் ஏதோ தண்ணீர் சொட்டுவது போல் தெரிந்தது. தலையை நிமிர்ந்து பார்த்தால் அங்கே மரக்கிளையில் தலைக்கு மேல் ஒரு தேன் கூடு. அதிலிருந்து தேன் சொட்டியது. லாவகமாக நாக்கை நீட்டி தேன் துளிகளை சுவைத்தான். ஆஹா!  மலைத்தேன் எவ்வளவு இனிப்பாக இருக்கிறது. மேலே உள்ள புலியையும் கீழே காத்துக்கொண்டிருந்த புலியையும் மறந்தான். தேன் சுவையில் தன்னையும் மறந்தான்.


 மகிழ்ச்சி என்பது ஏதோ பொருள்களாலோ அல்லது மற்றவர்களாலோ வருவதல்ல. அது ஒரு மனநிலை. எண்ணங்கள் அற்ற மனநிலை. வெறுமையான மனநிலை. அதுவே நம்முடைய இயல்பு நிலை. அதை மனோநிக்கிரகம் என்று அழைக்கிறார்கள். தூக்கம் எல்லோருக்கும் சுகமாக உள்ளது. அங்கு நாம் ஏதாவது நமக்கு பிடித்த உணவை சாப்பிடுகின்றோமா?. அதனால் அங்கு மகிழ்ச்சி வருகிறதா?. இல்லை. நமக்கு பிடித்த ஒரு இசையை கேட்கிறோமா? அதனால் மகிழ்ச்சி வருகிறதா? இல்லை. தன்னை மறந்த எண்ணங்களற்ற ஒரு நிலை உறக்கம. எனவே தான் அது மகிழ்ச்சியாக இருக்கிறது.


 உறக்கத்தின் அந்த எண்ணங்கள் அற்ற நிலையை விழிப்பு நிலைக்கு கொண்டு வர நாம் முயற்சிக்க வேண்டும். அதுதான் சமாதி. தியானத்தில் அதை பழக வேண்டும். அதுவே நம் இயல்பு நிலையாகி அது விழிப்பில் ஊடுருவ வேண்டும். தூங்காமல் தூங்கி சுகம் பெறுவது எக்காலம் என சித்தர்கள் பாடியது போல் விழிப்பு நிலையிலும் தூங்கிக் கொண்டே  சுகம் காண வேண்டும். பகவான் ரமண மகரிஷி இந்த நிலையை தான் “சகஜ சமாதி நிலை” என்று அழைக்கிறார். பகவான் எப்போதும் சகஜ சமாத நிலையில் இருந்ததாக கூறுகிறார்கள். 

               “ஓம் தத் சத்”