Скачать или смотреть ዓላማ መር ህይወት- ቀን 4_Purpose driven Life - Day 4 _ alama mer hiywet- ken 4

4ተኛ ቀን
ለዘላለም ሕይወት ተፈጥረሃል

ሕይወት ይህ የምናየው ብቻ አይደለም ፡፡
በእርግጥ ይህ ሕይወታችን ለሚቀጥለው ሕይወት መዘጋጃ ነዉ፡፡
በምድር የምንኖረው ቢበዛ አንድ መቶ አመት ነዉ ፤በዘላለም ዉስጥ ግን ፍፃሜ የሌለው ሕይወት ትኖራለን፡፡ምድራዊ አካልህ የመንፈስህ ጊዜያዊ መኖሪያ ነዉ መድሐፍ ቅዱስ ድንኳን ይለዋል የወደፊት አካልህን ግን ቤት ይለዋል ፡፡

"መኖሪያችን የሆነዉ ድንኳን ቢፈርስ በሰዉ እጅ ያልተሰራ ፤ነገር ግን ከእግዚአብሔር የሆነ ዘላለማዊ ቤት በሰማይ እንዳለን እናዉቃለን" 2ቆሮ 5:1

በምድራዊ ህይወትህ በምድር ላይ ብዙ ምርጫዎች የሚያቀርብልን ሲሆን ዘላለም ግን ሁለት ምርጫ ነዉ መንግስተ ሰማያት ና ገሃነም እሳት ናቸዉ፡፡
አሁን እዚህ ካለዉ የበለጠ ህይወት መኖሩን በደንብ ስትረዳ እንዲሁም ምድራዊዉ ሕይወት ለዘላለም የዝግጅት ጊዜ መሆኑን ስትገነዘብ ኑሮን በተለየ አኳኋን እና ከዘላለም አንፃር መኖር ትጀምራለህ ፡፡
ከዘላለም አንፃር ስትኖር ለሕይወት የምትሰጠዉ ፋይዳ ይቀየራል፡፡
ወደ እግዚአብሔር በቀረብክ ቁጥር ሁሉም ነገር እያነሰ ይሄዳል፡፡
በምድር ላይ ስላሳየነዉ ታማኝነት እንሸለማለን ደስ የምንሰኝበት ስራ ይሰጠናል፡፡በማይጨበጥ በከንቱ ነገር ጊዜያችንን አናባክንም፡፡ከእግዚአብሔር ጋር የማያቋርጥ አንድነት ይኖረናል፡፡እሱም ፍፃሜና ገደብ በሌለዉ ሁኔታ ከእኛ ጋር በሚኖረው ግንኙነት ደስ ይለዋል፡፡

"እናንተ የአባቴ ብሩካን ኑ ዓለም ከተፈጠረበት ጊዜ ጀምሮ የተዘጋጀላችሁን መንግስት ዉረሱ፡፡" ማቴ 25:34

ዘላለም እንድንኖር የተፈጠርኩ እንደ መሆኔ መጠን ልተወዉ የሚገባ ድርጊት የቱ ነዉ ??ዛሬ ልጀምረዉ የሚገባኝስ ነገር ምንድነዉ???

“ዓለምና ምኞቱ ያልፋሉ የእግዚአብሔር ፈቃድ የሚፈፅም ለዘላለም ይኖራል፡፡” 1ዮሐ. 2:17

በ ሪክ ዋረን
ዓላማ መር ህይወት