Korrupsiyaga qarshi Mirziyoyevcha kurash: Yuzlab korrupsioner ishga tiklangan

2023 йилда коррупция билан боғлиқ жиноятлар натижасида давлат манфаатларига етказилган зарарнинг юқори улуши Андижон, Наманган, Қашқадарё ва Тошкент вилоятларига тўғри келди.
Бу ҳақда Олий Мажлис сенатининг 21 сентябрь кунги йиғилишида тақдим этилган Коррупцияга қарши курашиш бўйича учинчи миллий маърузада сўз боради.
Коррупцияга қарши курашиш агентлиги директори Акмал Бурҳонов тақдим этган ҳисоботда қайд этилишича, ушбу турдаги жиноятлар бўйича судланган шахсларнинг аксарияти мактабгача ва мактаб таълими муассасалари, банклар, соғлиқни сақлаш ташкилотлари ҳамда ҳокимликлар ходимлари ҳисобланади.
Олдинроқ коррупция жиноятлари учун жавобгарликка тортилган 566 нафар шахс давлат хизматига тиклангани ва яна коррупция жиноятини содир этгани ўртага чиққан эди.
Таҳлилчилар Ўзбекистонда коррупция ҳокимиятнинг қуйи бўғинларидан энг юқори эшелонларигача илдиз отгани, мамлакатда коррупцияга қарши тизимли кураш йўқлигини айтишади.

🔴 Ozodlik kanaliga obuna bo'ling! 👉 https://t.me/ozodlikkanali
🔴 Bizga xabar yo'llash uchun 👉 https://t.me/ozodnews

2023 yilda korrupsiya bilan bog‘liq jinoyatlar natijasida davlat manfaatlariga yetkazilgan zararning yuqori ulushi Andijon, Namangan, Qashqadaryo va Toshkent viloyatlariga to‘g‘ri keldi.
Bu haqda Oliy Majlis senatining 21 sentyabr kungi yig‘ilishida taqdim etilgan Korrupsiyaga qarshi kurashish bo‘yicha uchinchi milliy ma’ruzada so‘z boradi.
Korrupsiyaga qarshi kurashish agentligi direktori Akmal Burhonov taqdim etgan hisobotda qayd etilishicha, ushbu turdagi jinoyatlar bo‘yicha sudlangan shaxslarning aksariyati maktabgacha va maktab ta’limi muassasalari, banklar, sog‘liqni saqlash tashkilotlari hamda hokimliklar xodimlari hisoblanadi.
Oldinroq korrupsiya jinoyatlari uchun javobgarlikka tortilgan 566 nafar shaxs davlat xizmatiga tiklangani va yana korrupsiya jinoyatini sodir etgani o‘rtaga chiqqan edi.
Tahlilchilar O‘zbekistonda korrupsiya hokimiyatning quyi bo‘g‘inlaridan eng yuqori eshelonlarigacha ildiz otgani, mamlakatda korrupsiyaga qarshi tizimli kurash yo‘qligini aytishadi.

#ozodlik #uzbekistan #tashkent #yangiliklar #shavkatmirziyoyev #korrupsiya #hukumat