شيلة هذا روقي مطنوخ - اداء خالد ال بريك - كلمات عبدالله الواصل 2022

تنبيه : نسخ المحتوى واعادة رفعه يعرض قناتك للاغلاق

‎لايك للفيديو + إشترك معنا
subscribe + Like

‎فعل الجرس 🛎
‎ليصلك كل جديد✔️

..

على المرقب اللي فيه للمبدعين اطلال
(اشوف الفضا مدهول) (والارض معموره)

اسوق الجمال اللي تشيل الحمول اثقال
واشوف (الصعاب من المهمات مقدوره)

(تميل الجبال )وراسي من السطر ما مال
ولا ني بحاسب للزمن لو كثر جوره

وانا اللي ليا منه طرق (يفتح الاقفال)
يفج الدروب ويحسب حساب لحضوره

انا لاعب اساسي ماني لاعب استبدال
اسجل هدف ويقول جمهوري اسطوره

لاجيت اشعل الملعب بفكره وفن وفال
(على ملعب الساحه ماهو ملعب الكوره)

وهالحين عندي لازمٍ ماعنه محوال
مع الصاحب ( اللي معه بالصوت والصوره)

رفيقي موفق جعل يفدونه الانذال
مساعيه في كل المواقيف مشكوره

على حفل رائد شرع لـ ضيفه المدهال
ورحب وصدره شرح ( والنفس مسروره)

من العود الازرق ياخذ من اطيب الاشكال
وتراحيب (شيخ الجود ) ماهي بمحصوره

وعلى زود طيبه فالتحايا وفالاقبال
عطايا يمنيه ( تخرج البخل عن طوره)

على حسب عرفي (جوده اغزر من الوبال)
وله البيض (في روس الشواهيق )منشوره

على نهج شيخٍ شاع ذكره مع الابطال
عجاره ووقفاته مع الناس مشهوره

وعلى كثر مايملك موفق من الاموال
في شخصيته والله (مانفسه بمغروره)

يحب الجميل ويفعل الطيب في اي حال
ابو رائد اللي يوخذ الراي من شوره

هذا والله الرجال لا قالو الرجال
وهذا والله اللي ( مشعمٍ ناره ونوره)

وهاذي عوايد من حفظ منهج الاجيال
ولا غيرت دورات الايام منظوره

ولا يلحقك يالاسعدي فالزمان جدال
وذكرك يشرف ربعك بكل معموره

هذا روقيٍ مطنوخ للكايده شيال
من الروقه اللي فالمهمات مذخوره

ترا الروقه سلاح وحزام وذرا وظلال
دهاة الرجال ورايت العز منصوره

ليا ساقو الفنجال حنا هلا الفنجال
ولا ياخذه قدامنا ( غير اخو نوره )

عتيبه هلا الردات......في حزة الاهوال
يومٍ ان الامن معدوم والناس في خطوره

يشوش الشجاع (ويرجع عن اللزوم الذال)
(ولا يرجع عتيبي...........لو الرجل مبتوره)

ومن جودهم تلقى المجالس بدون اقفال
(مجالس كرمهم) (تشبه لمجلس الشوره)