الجفراني - منقية ابن حرقان البصيري

ㅤ
ㅤ
🔥🔥 جديد وحصري 🔥🔥
🔥🔥 جديد وحصري 🔥🔥
ㅤ
⚡️⚡️ #مزاين_آل_سليمان ⚡️⚡️
ㅤ
منقية أبناء /
علي بن حرقان البصيري العجمي
ㅤ
📝 كلمات الشاعر 📝
فهيد بن محمد بن عصيدان
" شاعر المواقف "
ㅤ
🎵 اداء المنشد 🎵
الجفراني
ㅤ
ㅤ
ㅤ
سيلٍ ترادم سحابه واختلف لونه
هيّض قلوب العرب وأحيا جزيرتها

يوم ادلهمّ وتنفّض كل مخزونه
ليّن كبود الضوامي عقب يبستها

احدن تباشر بشوف الخير ومزونه
غير احدن اخلفته ارعوده بدويتها

الهجمه اللي ورا فيحان مكنونه
جينابها ياهل الوادي لديرتها

يوم أقبلت طير صدري فاخت اركونه
حي الله البل وحي الله اقبالتها

وضح ابن حرقان شواشه ومجنونه
كم راح في وردها ذودٍ تحدتها

من كان يمسي بظنّ تخالف ظنونه
ماعاد له سطوةٍ من فوق سطوتها

انقالهم ياخو شمعه كل مزيونه
خل الميادين تستاخذ بجيتها

اقبل بوضحاً تسدّ الداين اديونه
كل الحلا بحركتها والتفاتتها

اخبط لبيد وخل الخبطات مقرونه
خطرن تطيّر جنايبها بثفنتها

جمهورها فالمسيره جنّت اجنونه
وترثة عصيدان سايقتن مسيرتها

خذت من الهرش ابو عرنون عرنونه
والطول والغارب المارق وشقتها

واليا مشت في تسنّدها على هونه
كنها توجَّه على الاقمار وجهتها

ورثٍ من الشايب اللي نادرٍ لونه
من روس شيباننا العسرين وأثبتها

علي ابن حرقان لا قامو يطرّونه
في كل ديره ايشاع اسمه ويلفتها

عسرن على اللي مشو طرقه يجارونه
يقلّط الشاه .. ويعلّق تبيعتها

على حساب المراجل دبّل ديونه
ولعين وضحاً تشوقه في طبيعتها

هجاجةٍ لا اوحت الهوبال بلحونه
دجارةٍ لا اوحته بالاسم ينعتها

من دونها عوّد التاجر بمليونه
عيا عليها ويومه يوم بيعتها

ليته حيا وأدرك الناموس بعيونه
ونطل العمايم على العوبا وجدتها

من عقبه الذود محفوظه ومصيونه
وصية العود لعياله وأتمتها

حنا هل البل وغالي العمر ياهونه
وحنا طلبها ونجدتها وفزعتها

أعمارنا مع اعظام المال مرهونه
وأقدامنا تتبع الذيدان جرّتها

نرعابها كل وسمٍ بكّر امزونه
وعشانها انصبح القوم ونبيتها

ترتع ومن حوفة الطمّاع مامونه
ويصد لاشاف مخلبها وحلقتها

ترعى الربيع المخيف وماتجي دونه
في ضف من يزبن المجرم بسلطتها

سلمٍ قديمٍ من الجدان يمشونه
ترثة اسليمان وتوصّي سلالتها

عجمان واحظ منهم ربعه وعونه
واشين حظه من يطاول مغثتها

كم حاكمٍ صامدوه ودكو اركونه
وكم دولةٍ هم سبايب في نهايتها
ㅤ
ㅤ
ㅤ
#السهول #ال_مره #العجمان #يام #قحطان #بني_هاجر #الدواسر #عتيبه #مطير #سبيع #الظفير #عنزه #شمر #حرب #زعب #غامد #شيلة #شله #منقية #منقيات #فردية #فرديات #صفوف #سعب #محايل #فرينسي #قزوعي #سدك #طرب #شعر #قصيد #المجاهيم #الوضح #الصفر #الشعل #الشقح #الحمر #الابل #الهجن #مزاين_ام_رقيبه #الكويت #قطر #الظفره #العذب #جفران_المري #حسين_الكوري #محمد_ال_نجم #حمد_الطويل #علي_ال_شقير #ناصر_الطويل #الجفراني #نجم_السهول #شبل_الدواسر #بخيت_البريدي #حسين_ال_لبيد #صالح_اليامي #هادي_بن_جابر #عامر_السهلي #فهد_ال_فصلا #عبدالرحمن_ال_نجم #صالح_الزهيري