Emisioni "Me zemer te hapur" nga Evis Ahmeti ne News24 - 7 nentor, 2019
Pjesa 1
‘Kam filmimet, do i nxjerr”. Vëllezërit zihen live: Videon e ka bërë kunata, sa herë vjen ajo… Pj.2
• ‘Kam filmimet, do i nxjerr”. Vëllezërit zi...
Në emisionin “Me zemër të hapur” në News24 ka ardhur historia e një familje, ndoshta si shumë të tjera në Shqipëri në konflikt prej vitesh.
Familja Dervishi nga Belshi është përfshirë prej disa kohësh nga konfliktet. Njëri prej djemve Bledari kërkon me çdo kusht banesën e prindërve. Djali tjetër Mikeli thotë se gjithçka ka nisur që nga momenti kur vëllai është martuar. Në dhjetor 2018 Mikeli ishte kthyer nga Gjermania për të kaluar pushimet pranë familjes, fillimisht ka shkuar në Korçë tek gruaja dhe fëmijët më pas për shkak edhe të dokumenteve që i duheshin ka udhëtuar drejt Belshit dhe ka parë edhe prindërit. Atje ka konstatuar konfliktet mes tyre dhe vëllait ndërkohë që ka parë me sytë e tij se shtëpia ishte zaptuar nga vëllai. Ka biseduar me të, por asnjë reflektim. Në mbrëmje pasi i ati ka tentuar të hapë me forcë derën nusja ka dhunuar vjehrrën. Mikeli thotë se ka ndërhyrë për t’i ndarë. Të nesërmen në mëngjes kunata ka tentuar ta gjuajë me mjet të fortë dhe t’i hedhë hirin e zjarrit në fytyrë.
Kjo ngjarje është denoncuar në polici fillimisht nga ajo dhe me pas Mikeli është shoqëruar në polici. Çështja shkoi në gjykatë dhe ai u dënua. Kreu 8 muaj burg për dhunë në familje dhe plagosje të lehtë me dashje. Sot ai dhe prindërit kanë vendosur të kërkojnë publikisht drejtësi e cila iu është mohuar në çdo institucion.
Nëna e tre djemve dhe 1 vajze, 78 vjeçe tregon se nusja e djalit, Adelina e ka dhunuar dhe e ka kërcënuar. Ndonëse jetojnë në një shtëpi, ajo tha se nusja e djalit të saj Bledarit, i mbyll me çelës derën e banjës për ditë me radhë, duke rrëfyer se është larë në oborr pasi nuk mund të hynte në banjë.
“Nusja më ofendon më thotë fjalë të pista. Kam tre djem e një vajzë. Me nuset e tjera e djemtë nuk kam probleme. Adelina më tha do të lyej me benzinë, do të vë shkrepsen do të djeg. Bledari nuk ka qenë kështu. Ajo i thotë djalit tim të kam marrë në jetimore, nuk ke as babë, as nënë, as vëllezër e as motër dhe po të dëgjova të flasësh me ta do të pres gjuhën. Do të na nxjerrë nga shtëpia. Thotë e duam ne këtë, pse t’ia jepni Mikelit. Ajo është si ata boksierët. Nuk e sajdis djalin tim fare. I ka mbyllur derën, e ka lënë jashtë. Ka ardhur tek unë djali. Ajo na dhunoi por djali im Mikeli përfundoi në burg. Mua nuk më morën policia fare sado që përfundova me gjilpëra”, tregoi e moshuara duke qarë.
Në emision ka ardhur dhe një telefonatë nga mbesa e të moshuarës, e cila tha se para se të hynte Adelinda në atë shtëpi çdo gjë shkonte shumë mirë, kurse tani i ka shkatërruar.
“Qëkur ka hyrë Adelina në shtëpia ata kanë vuajtur. Para se të vinte ajo kanë qenë shumë mirë. Ajo i shkatërroi komplet. Nuk e lë tezen as të shkojë në tualet. E kam gjetur tezen si mos më keq. Nusja e Mikelit është zonjë grua. Ju lutem ndihmojeni atë familje”, tha mbesa e 78-vjeçares.
Më pas ka qenë Mikeli ai që ka treguar çfarë ndodhi mes tij dhe prindërve dhe si përfundoi në burg.
“Incidenti në tetor 2018. Vij në datën 14 në Blesh kishte ditëlindjen babai dhe do merrja pasaportat e fëmijëve për të aplikuar për dokumente gjermane. Vij në shtëpi e gjej nënën me drita fikur. I them pse më thotë e ka fikur nusja. Hyj në dhomë, e kanë si kuzhinë, nuk i kanë vënë derë dhe thërras vëllain, i them ikët në fshat dhe i mbyllni banjën prindërve e tani ju fik dhe dritat. Hyn Adelina e godet nënën e babain. Morën vëllain dhe nusen, nënës i thanë do të marrim nesër. Si mund të vesh tek mjeku ligjor më datë 16, kur u godit më datë 14? Ajo na dhunoi unë u arrestova e bëra 8 muaj burg. I jam drejtuar ministrit të Brendshëm z. Lleshaj, ministres së Drejtësisë, prokurores së përgjithshme Arta Marku. Kam akuzuar OPGJ-në”, deklaroi kunati.
Në emision ka folur me anë të një lidhjeje telefonike edhe vetë Bledari, i cili i doli në mbrojtje bashkëshortes së tij dhe tha se prindërit e kanë dhunuar atë dhe gruan.
“Të dy prindërit që janë aty, plaku deri dje kanë qenë pas meje. Këto i bën ky që nuk punon. Në qoftë se kam shkuar tek mjeku ligjor kam shkuar ku më ka çuar prokurori. Unë kam letrat e hapura për këta zotërinj.
Po unë jam dhunuar nga babai im që thoshte ‘vrite qenin’ dhe vëllai që keni përballë.
Ajo nënë që ka dalë sot aty i bën të gjitha. Për atë vëllain aty kam shkuar unë në Turqi. Çfarë kam investuar unë duan t’i marrin këta për të prurë atë. Kam investuar unë. Pse më lejoi babai të shpenzoja? Ato ça më kanë bërë ata mua, pyesni gjithë Belshin. Ky e ka marrë me forcë babain aty. Është zënë para tre netësh me babain, me nënën dhe vëllain tjetër. Ka dhe një mbesë babai, kërkon dhe ajo trashëgiminë. Babai im hedh sheqer për gruan time që ta largojë”, tha Bledari duke akuzuar të atin se po i bënte magji gruas së tij. Në përfundim ai kërkoi 7 milionë lekë të vjetra që të largohej nga shtëpia e prindërve.
Информация по комментариям в разработке