Скачать или смотреть Itadu Akhilambunaku - Annamayya Sankeerthana (ఈతఁడఖిలంబునకు - అన్నమయ్య సంకీర్తన)

ఈతఁడఖిలంబునకు - అన్నమయ్య సంకీర్తన (Itadu Akhilambunaku - Annamayya Sankeerthana)

Singer - Vanijairam garu; Composer - G Nageswara Naidu garu;
(Courtesy - TTD & Sri Venkateswara Recording Project)

Lyrics -
ఈతఁడఖిలంబునకు నీశ్వరుఁడై సకల-
భూతములలోనఁ దాఁబొదలు వాఁడితఁడు

గోపాంగనల మెఱుఁగు గుబ్బచన్నులమీఁద
చూపట్టుకమ్మఁ గస్తూరిపూఁత యితఁడు
తాపసోత్తముల చింతాసౌధములలోన
దీపించు సుజ్ఞానదీప మితఁడు

జలధికన్యాపాంగ లలితేక్షణములలో
కలసి వెలుఁగుచునున్న కజ్జలం బితఁడు
జలజాసనుని వదన జలదిమద్యమునందు
అలర వెలువడిన పరమామృతం బితఁడు

పరివోని సురత సంపదల నింపులచేత
వరవధూతతికి పరమమైన యితఁడు
తిరువేంకటాచలధిపుఁడు దానె యుండి
పరిపాలనము సేయ భారకుండితఁడు

తాత్పర్య వివరణ:-
ఈతడే అఖిలంబునకు (సమస్తమునకు) ఈశ్వరుడై (అధినాథుడై) వ్యవహరించుచున్నాడు. సకల భూతములలోనూ (సర్వప్రాణులలో) తానే ఆత్మరూపములో పొదలువాడు (వర్ధిల్లుతుంటాడు)
జవ్వనులైన గోపకన్నెల మెఱుగు ఘనస్తనములపై కనుపించు, కమ్మగస్తూరిపూత (కమ్మటి కస్తూరిమైపూత యితడే (ఈ శృంగారరాయుడే). అలాగని ఈయన కేవలం విలాస పురుషుడా? కానేకాదు. ఉత్తమోత్తములైన తాపసులు, చింతాసౌధములలో (భావనా భవంతులలో) వెలుగుతున్న సుజ్ఞానమనే దీపము ఈ యోగీశ్వరేశ్వరుడే సుమా!
జలధికన్య (క్షీరసాగర తనయయైన శ్రీమహాలక్ష్మి) అపాంగలలితేక్షణముల (అందమైన కడకంటి చూపుల) లోనున్న వెలుగులు విరజిమ్ము కజ్జలంబు (కాటుక) ఇతడే (ఈ రమాకాంతుడే). జలజాసనుని (బ్రహ్మదేవుని) ముఖములనే సంద్రములమధ్య వెలసి అలరుచున్న పరమజ్ఞానామృతము ఈతడే.
పరిమితులులేని సంభోగసమాగములలో వధూవరులకు వైభవము నింపుతూ పరవశత్వము కలిగించునది యెవరనుకున్నారు? ఈ జగన్నాథుడే. ఇదిగో నేడు తిరుమల శిఖరాలపై శ్రీవేంకటేశ్వరుడై తానేయుండి పరిపాలనము చేయుచున్న భారకుడు (అందరి భారమును వహించేవాడు) ఈ దేవదేవుడే.
(సంకీర్తనమునకు భావవాణి… శ్రీ అమరవాది సుబ్రహ్మణ్య దీక్షితులు గారు)