អាជ្ញាធររុស្ស៊ីត្រៀមជម្លៀសប្រជាជនចេញពីភូមិចំនួន 14 នៅតំបន់បែលហ្កូរ៉ូត ក្រោយការវាយប្រហាររបស់អ៊ុយក្រែន

យោងតាមសារព័ត៌មានរោយទ័រ មន្ត្រីក្នុងតំបន់បានរាយការណ៍កាលពីថ្ងៃអង្គារ ទី16ខែកក្កដា ថា ការវាយប្រហាររបស់អ៊ុយក្រែនពេញមួយយប់ បានបណ្តាលឱ្យមានការខូចខាត និងរបួសមួយចំនួន នៅក្នុងតំបន់រុស្ស៊ីជាប់ព្រំដែនអ៊ុយក្រែន។ ការវាយប្រហារនេះបានប៉ះពាល់ដល់គោលដៅផ្សេងៗ ដែលបង្កឱ្យមានភ្លើងឆាបឆេះរោងចក្រ និងរបួសមនុស្សយ៉ាងតិច៦នាក់។
នៅទីក្រុង Korenevo ក្នុងតំបន់ Kursk នៃប្រទេសរុស្ស៊ី ការវាយប្រហារដោយយន្តហោះគ្មានមនុស្សបើកបានឆាបឆេះរោងចក្រផលិតឧបករណ៍អគ្គិសនីមួយ។ យោងតាមអភិបាលតំបន់ លោក Alexei Smirnov បានឱ្យដឹងថា គ្រោះអគ្គិភ័យដែលបានរលត់ទៅវិញនៅពេលព្រឹក បានបណ្តាលឱ្យខូចខាតយ៉ាង ដំណំដល់ដំបូល និងផ្នែកខាងក្នុងរបស់រោងចក្រ ប៉ុន្តែមិនមានអ្នករងរបួសនោះទេ។ ទោះបីជាយ៉ាងណាក៏ដោយ ការវាយប្រហារដោយយន្តហោះគ្មានមនុស្ស បើកមួយផ្សេងទៀតបានធ្វើឱ្យមនុស្សម្នាក់រងរបួស នៅពេលដែលគ្រាប់បែកមួយត្រូវបានទម្លាក់នៅលើផ្ទះមួយកន្លែងផ្សេងទៀត នៅក្នុងតំបន់ Kursk។ លោក Smirnov បានចែករំលែករូបភាពនៅលើបណ្តាញ Telegram របស់គាត់ ដែលបង្ហាញពីដំបូលរោងចក្របានឆាបឆេះដោយអណ្តាតភ្លើង ហើយភ្លើងនៅតែ បន្តឆេះនៅខាងក្នុងរោងចក្រ។