Скачать или смотреть Igisigo : Nta tetero nta mutuzo ( Cyuzuzo Rosine &

#Musare #Cyuzuzorosine #storyteam2021

NTA TETERO NTA MUTUZO

Nta tetero nta mutuzo
Nta tetero nta toto
Nari guhera he ntekereza irerero,
Kd naratera ga nkiyikiriza.?
Abakabaye barampozaga nibo bampezaga
Abakankijije nibo bandijije.
Uwo negeraga wese akanyitaza,
Uwo nasekeraga wese akanyihunza,
Ijoro ry umwijima rikansanga
Nitegereza ibitereko by amatabaza
Uko Bigenda biba imisago.

mbese ninde wakumva intimba Mfite,
akaza akampoza aya marira?

Numvaga nkumbuye twa duhozo,
Twahogozaga ibibondo, nari nkeneye rya jwi
Ry umubyeyi wari wuzuye ibambe,
kuri ka Gasusuruko ka mugitondo, Akazuba gatamurutse
muri rwa rukundo rwanteraga gusara no gusamara
narakubonaga nkasizora, nkaseka urumenesha
wahoraga umenyesha ibihe by’ ihinga n ibiba
ukamperekeza nkushonje ukantungura umpobera
nanjye nkagukumbura mu mataha nkashungera bavutira
nkitegezeza ibijishwe byakoshwe bizira kuribora.

Nicayentekereza iby ibihe bavuze
nikanze urwo rugori yasize
ayii nguko uko iminsi yuzuye urwijiji rw ibihu n umuyaga mwinshi ,
amahindu n urusaku binzibiranya amatwi binziba amazuru
maze nsiba uwo mutuzo mbona igisa n ihuhuru wagiyemo
cyihutaga cyane, nsama nisanga nasigaye muri urwo ruhurirane rw ibitaboneka .
natewe ntiteguye ugenda ubwo untunguye
nakangutse numva indirimbo zishavu nagarutse
nkenyerezwa mu ruhavu nabaye nkuhwereye
menya ubwo ko ugiye utansezeye utaretse ngo nkushengerere
nkwiture nkutaramire ushire impumu nanjye nkushyire igorora
wizihirwe wibagirwe imvune zoze naguteye

itariki nk iyi yari umunsi w ibikomere
ishavu n irungu byinjirana nanjye mu iruhiro
urupfu runtera mvuye kuramvura mu mvura y ubujojo
yagwaga nk iy umugwajoro iyo nkuru mbi iza insanga Manuka
ku ruhimbi igera no mu ndaro iramperekeza ingeza no ku irimbi
ndara nsara maze nsarara ijoro ryose
uwo ni uwaririye abe kuko batakiriho nanze guhora kuko sinahora
nahanze ijuru amaso ngo rindengere nsaba kugirirwa ibambe
ngibyo ibihe byaranze urugendo rubi ntazibagirwa

.

enda yemwe, cyo ni mundeke ntereke nduhuke nibuke ishami
nashibutseho uwo amafoto ibihumbi atagarura isimbi
ryazize icyo ritakoze ryahowe icyaha rishyirwaho icyago ritigeze

ndirimbe agahinda? Ni nde wanyumva? Ndire amarira atembe ?
ni nde watambuka ngo ampoze? Bose ko banshizeho, ninde
nsigaranye?
None ko mpanganye n ibihe nkaba mpagaze gitwari?
N’ ubwo umutima wanjye wari usaritswe n amaganya amagana
Y abambuza gutambuka yose hose angose
Ubu ndi umutegarugori ubereye urwamubyaye udakangwa
Ngo atwarwe n ibihe byahise ngo aheranwe n agahinda
Ndi impinyuza abananiza sinkihagarika umutima none urinde
Wowe umpagarika?
Ndabwira babandi bandyaniraga inzara nkarara nzerera inzara
Intsinze Ku muhanda ?
Bagahigima bampimbira bakampiga bampigira
Natega urugori bakantetereza Bantega nya munsi ngo nzagwe ku gasi
Abo bose bamvugaga bakankwena bannyega, bakakuranwa
Barushanwa kunyita amazina
Nzabarembuza mbakure ku izima mbaratire abo nareze
babonye ubuzima mbasogongeze ku muti uvura ubukene
bwo kubaho udatuje ku mutima abo duhuje umurima nzabakenyerera
mbatahire ibirori mbatume guhahira mu iguriro ry umugisha wera
ku giti cy umurimo.

Ngiryo ishema ntewe no kubaho ngiryo ihame ryuje ireme ryo kuba
Umunyarwanda….. Ndavugira wowe ijwi ryawe
Ritabasha kurangurura ndavugira wowe utagira kivurira
Humura, ikimenyetso cy uko wasigaye N itangiriro ry ubundi
buzima nyuma y umwijima hari icyizere kirema


reka abandi bahemuzwe n ibihita
wisaza usazwa n ibihe byahise wishavuzwa n ibishira
gira ibyiringiro by ejo hazaza

Author: Musare & Rosine

Narrator: Cyuzuzo