Bahjat Yahya - Batanha Lagal Dlm

© Copyright ‪@BahjatYahya‬

هۆنراوە و ئاوازی بەهجەت یەحیا
بەتەنها لەگەڵ دڵم

من ئەمەوێ بەتەنها لەگەڵ دڵی خۆم بدوێم
ئەبمە دەریایەك وشە و نم نم بەسەریا ئەڕژێم
لێیئەپرسم هەتاکەی خۆت ئەکەیتە قوربانی
ئەم تەمەنە خەوێکە بۆکەس نیە ئامانی

ئەی دڵ تۆ بە چاوی سۆز ئەم ژیانە ئەبینی
تۆ مامۆستای دڵداری و وانەی شیعری ئەوینی
ئەم شەو لە هاواری تۆ بەئاگا هاتوومەوە
شیعرێ لەهەناوتایە ئەبێ من بینووسمەوە
ئەبێ حاڵ لەخۆم بێنم تاببمە زمانحاڵت
هەر ناگەمە ئەوئاستەی دەریببڕم خەیاڵت

ئەی دڵ هەرخۆم ئەزانم کە ناخت چەندە پاکە
سایەی گەورەیی تۆیە گەر بڵێن کوڕی چاکە
ئەوەندە سادە و خاکیت خۆت لەلا مشتێ خاکە
نەزان خۆی لاگەورەیە زانا کواخۆی پێچاکە
کامەی کەتۆ ئەیبینی خۆی لاگران و تاکە
ڕۆژێ دێ هەڕاجیکا ئەم بازاڕە بێباکە

  / bahjatyahyaofficial