المقاطي لو يشوف الموت راح يمه 🔥 - اداء شبل الدواسر - كلمات سيف عبدالله المقاطي - حصري ٢٠٢٤

شيلة مهداه من ابناء /
عبدالله مرزوق السليفي المقاطي

الى الشيخ/
فتى بجيد الهديبي المقاطي
بمناسبة زواج ابنه/
مهنا فتى الهديبي المقاطي

—————————————

مونتاج برق الحجاز - السناب: tsmim1 التك توك: brq_0

—————————————

يا كــريمً تــرزق المسلم على نياتــه
جل شانك بأسمك ابدا منطقي واتمه

حولك اللي يدفع المسلم على غاياته
مالنا من دون حولك مقصد ولا همه

افطني يا سابق اللي تنحسب وقفاته
واسمعي صوت المنادي واستميلي يمه

واركضي على هوا طلابك ومشهاته
والوعد على عوايدنا براس القمه

من تهاون في لزومه تنحسب هفواته
مالنا باللي يضيع مسلكه ويخمه

شاعرً ما تلفت عيون الحضور ابياته
لا يجي وقت اللزوم ولا يشمر كمه

يا سلام الله على اللي ساقته خطواته
في محلً يشرح الصدر ويزيل الغمه

المعزب قبل اسلم جر ترحيباته
طول وقته للصحيب وللطراقي يمّه

الكرم عادات ابوه وربعه وعاداته
والوفاء شي طبيعي ماشيً في دمه

يا فتا يا فزعة اللي لاعته صكاته
كم صويبً جاك مهموم وتجلا همه

فزعتك تقصد بها وجه الله ومرضاته
جعل يفدونك هل النمه وساع الذمه

انت من يقضي مطاليب العرب بسكاته
منت من يبغى الخلايق بالمديح تزمه

جيت ابارك يا ذخر شيخً يسر عزاته
يا مهنا يا سند خاله وابوه وعمه

الفرح يبن الهديبي ما نمل اوقاته
خل عينك تمتلي بالعزوه الملتمه

من نصا عزوتك جاته من وراء هقواته
حي والله عزوةً ميرادها للجمه

يا ملاذ الخايف ويا فزعته واحماته
يا عيال هديب يا سقم الخصيم وسمه

من عيال مقاط واللي يشتكي ضداته
يزبن الاد المقاطي عاصبين العمه

يوم كان الوقت محدً وامنن غاراته
المقاطي لو يشوف الموت راح وضمه

كلمات/ سيف عبدالله مرزوق المقاطي