Скачать или смотреть കടം കയറി അച്ഛൻ ആത്മഹത്യ ചെയ്‌തപ്പോൾ ചെറുപ്രായത്തിൽ സംരംഭകർ. ലക്ഷങ്ങൾ കടം, ഇന്ന് കോടികൾ വിറ്റുവരവ്!

ആലപ്പുഴക്കാരായ രാഹുലിനും, രോഹിത്തിനും ബാല്യം തിരിച്ചടികളുടേതായിരുന്നു. ഇവരുടെ ചെറു പ്രായത്തിൽ അച്ഛൻ കടം കയറി ആത്മഹത്യ ചെയ്തപ്പോൾ, അമ്മ വീട്ടുപണിയെടുത്തു കുടുംബം പുലർത്തി. 8 ലക്ഷം കടം വീട്ടാനായി രാഹുലും, രോഹിത്തും പഠനം നിർത്തി ചെറുപ്രായത്തിൽ ജോലി ചെയ്‌തു തുടങ്ങി. 20 വയസുള്ള രാഹുലും, 17 വയസുള്ള രോഹിത്തും ലോൺ എടുത്തു ഒരു DTP സെന്റർ തുടങ്ങിയെങ്കിലും 8 ലക്ഷം കട ബാധ്യതയിൽ കുടുങ്ങി. ചെറിയ വീട്ടിൽ നിന്ന് ഒരു വാടക വീട് സ്വപ്നം കണ്ട ഇവരുടെ വീട്ടിൽ കറണ്ട് ബില്ല് അടക്കാത്തതുകൊണ്ട് ഫ്യൂസും ഊരികൊണ്ടു പോയി.

പിന്നീട് പലിശക്കെടുത്ത പണം കൊണ്ട് ആർദ്ര ഡിസൈൻസ് എന്ന പേരിൽ പ്രിന്റ്റിങ്ങ് ബിസിനെസ്സ് തുടങ്ങി. തുടക്കം മുതൽ ഉറക്കമിളച്ച് കഠിനാധ്വാനം ചെയ്ത് ആ ബിസിനെസ്സ് വളർത്തിയെടുത്തു. തുടർന്ന് രണ്ടാമത്തെ പ്രിൻറ്റിങ്ങ് യൂണിറ്റിന് തുടക്കം കുറിച്ചു. പിന്നീട് പതുക്കെയാണെങ്കിലും വളർച്ചയുടെ പടി കയറിത്തുടങ്ങി. പക്ഷെ പ്രളയം വീണ്ടും ജീവിതം തകർത്തു. എന്നാൽ വിട്ടുകൊടുക്കാതെ പൊരുതി വീണ്ടും കയറി.

റിസ്ക് എടുക്കാൻ ഭയമില്ലാത്ത ഈ സഹോദരങ്ങൾ ബിസിനെസ്സ് സ്കെയിൽ അപ്പ് ചെയ്ത് ഇന്ന് വിജയം നേടി കോടികളുടെ വിറ്റുവരവിലെത്തി, നല്ല വീടും, 5 വാഹനങ്ങളും സ്വന്തമാക്കി ഉയരങ്ങളിലേയ്ക്ക് പറക്കുകയാണ്. ദക്ഷ പ്രിന്റേഴ്‌സ്, ക്രയോൺസ് എന്ന സ്ഥാപനങ്ങളുൾപ്പടെ 4 സ്ഥാപനങ്ങളിലായി 175 പേർക്ക് തൊഴിൽ കൊടുക്കുന്ന രാഹുലിന്റെയും, രോഹിത്തിന്റെയും കഥയാണ് സ്പാർക്കിൽ.

Spark - Coffee with Shamim
Client: Rahul Raju & Rohit Raju, Daksha Print & Pack, Kaippilly Mohammed Ali Tower Road, Kaloor, Ernakulam.
Email: dakshaprintpack@gmail.com
Mob: 9895502469 / 9539139948
#sparkstories #shamimrafeek ‪@ShamimRafeek‬ #coffeewithshamim #motivation #eagle