Скачать или смотреть Evində amanasızlıqla öldürülən müəllimənin qatili tapılmır... Masallıda 2 il bağlı qalan qətl

2020-ci il sentyabrın 4-dü idi. Şagirdlər hələ də yay tətilində olsalar da, müəllimlər üçün iş başlamışdı. Masallı Rayonun Hüseynhacılı kəndində də həmçinin. Məktəb direktoru Yadigar Şəmmədov və həyat yoldaşı Aidə müəllimə də məktəbdə idi. Günortaya yaxın Aidə müəllimə evə qayıdır, direktor isə məktəbdə qalır. Amma hələki heç kəs bilmirdi ki, az sonra Aidə xanımın küt alətlə qətlə yetirilmiş bədəni evinin mətbəxində tapılacaq…

Günorta saatlarında 1962-ci il təvəllüdlü Aida Şəmdova yaşadığı evdə baş nahiyəsinə küt alətlə vurularaq qətlə yetirilib. Törədilmiş əmələ görə Masallı Rayon Polis Şöbəsinə məlumat verilib və polis əməkdaşları qısa müddət ərzində hadisə yerinə gəliblər.

Ev sahibi, mərhum Ayda Şahnəmdovanın həyat yoldaşı Yadigar müəllim həmin günün şokundan uzun müddət özünə gələ bilməyib. Yadigar müəllim və Ayda xanım eyni məktəbdə dərs deyirdilər: Yadigar müəllim coğrafiya, Ayda xanım isə riyaziyyat müəllimi olub. Həmin gün Yadigar müəllim — məktəbin direktoru kimi — işdə olub, Ayda xanım isə evdə imiş. Onların hər ikisi Hüseynhacılı kənd məktəbində çalışdıqları üçün kəndin demək olar bütün gəncləri onların şagirdi olub.

Ayda xanımın öldürülməsi faktına görə Masallı rayon prokurorluğunda Cinayət Məcəlləsinin qəsdən adam öldürmə maddəsi ilə cinayət işi başlanılıb. Lakin aparılan çoxsaylı istintaq tədbirlərinə baxmayaraq, qadının öldürülməsində təqsirli şəxsin kimliyi müəyyən edilə bilmədiyi üçün iş 2021-ci ilin mart ayında Cinayət Prosessual Məcəlləsinə uyğun olaraq dayandırılıb.

2021-ci il avqustun 25-də cinayət işi əlavə araşdırılması üçün Baş Prokurorluğun istintaq idarəsinə göndərilib və sentyabrın 6-da idarənin xüsusilə mühüm işlər üzrə böyük müstəntiqi Aqil Axundov tərəfindən icraat yenidən bərpa olunaraq davam etdirilib.

2021-ci ilin avqust ayında cinayət işi əlavə araşdırılması üçün Baş Prokurorluğun istintaq idarəsinə göndərilib və sentyabrın 6-da idarədə icraata qəbul edilib. İş yenidən araşdırılarkən bir sıra fərziyyələr irəli sürülüb.

Hadisə yeri üzrə baxış protokolunun təhlili zamanı istintaqda belə bir ehtimal yaranıb ki, qətli törədən şəxs mərhumu tanıyıb. Bu qənaətə gəlməyə səbəb zərərçəkmişin həm sağ, həm də sol qol nahiyəsində müşahidə olunan xəsarətlər olub. Bundan başqa, evin pəncərəsində bərkidilmiş torun çöldə yerə düşmüş vəziyyətdə olması da diqqət çəkib.

İstintaq bu nəticəyə gəlib ki, mərhum cinayəti törədən şəxsi tanıyaraq onu ifşa etməyə çalışıb və həmin şəxs də onu sakitləşdirmək məqsədilə əllərindən tutub zərərsizləşdirməyə cəhd göstərib. Lakin buna nail olmadığını görüb qadını qətlə yetirib və pəncərədən çıxaraq hadisə yerindən uzaqlaşıb.
Davamı videomaterialda...

#MasalliQetl #AidaMuellime #HuseynhaciliKendi #tv11 #AcilmamisCinayet #BagliQalanCinayetler #MaraqliVerilisler #kriminal